అదేంటండి అంత మాట అనేసారు ?? RRR లో ఎన్టీఆర్ గురించి ఇలా అన్నారు ఏంటి ?

విజయేంద్ర ప్రసాద్ తన వ్యాఖ్యలతో ఎన్టీఆర్ అభిమానులను తీవ్రంగా గాయపరిచారు. RRR విడుదలైనప్పటి నుండి నేటి వరకు రామ్ చరణ్ మరియు ఎన్టీఆర్ అభిమానుల మధ్య తీవ్రమైన పోరు కొనసాగుతున్న సంగతి తెలిసిందే. ఈ చిత్రం గ్లోబల్ బ్లాక్‌బస్టర్‌గా నిలిచినప్పటికీ, అభిమానులు ఇద్దరూ “గ్లోబల్ స్టార్” ట్యాగ్ కోసం గొడవపడుతూనే ఉన్నారు. మా హీరో గొప్ప అంటే.. మా హీరో గొప్ప అని కామెంట్ సెక్షన్స్ లో వార్ జరుగుతూనే ఉంది. ఇలాంటి క్లిష్ట పరిస్థితిలో, విజయేంద్ర ప్రసాద్ తాజా ఇంటర్వ్యూలో తన వ్యాఖ్యలతో ఎన్టీఆర్ అభిమానులను తీవ్రంగా గాయపరిచారు.

వీటిని కూడా చదవండి :`ఎన్` ట్యాగ్‌ తీసేస్తే వంద కోట్ల సినిమా ఒక్కటి ఉండదు.. బాలయ్య పై ఫైర్ అవుతున్న ఎన్టీఆర్ ఫాన్స్!

 

ఇద్దరు స్టార్ హీరోలు రామ్ చరణ్ మరియు ఎన్టీఆర్ నటించిన ఎస్ఎస్ రాజమౌళి దర్శకత్వం వహించిన RRR చిత్రం అంచనాలను మించి ఫలితాన్ని తీసుకొచ్చింది. ఈ చిత్రానికి ప్రపంచ వ్యాప్తంగా విశేష స్పందన లభించింది. ఇది అనేక విభాగాలలో ఆస్కార్, గోల్డెన్ గ్లోబ్ మరియు క్రిటిక్స్ ఛాయిస్ వంటి జాతీయ మరియు అంతర్జాతీయ అవార్డులను కూడా గెలుచుకుంది. అదే సమయంలో సినిమా హీరోలు ఎన్టీఆర్, రామ్ చరణ్ లు కూడా గ్లోబల్ స్టార్ డమ్ సొంతం చేసుకున్నారు.

వీటిని కూడా చదవండి : “కాంతారా” కంటే ముందే అదే కాన్సెప్ట్ తో ఓ సినిమా వచ్చిందని మీకు తెలుసా..!!

అయితే చరణ్‌కే ఎక్కువ ప్రాధాన్యత ఇచ్చారనే వాదనలు వినిపించాయి. గతంలో ఓ ఇంటర్వ్యూలో రామ్ చరణ్ పాత్ర తనకు నచ్చిందని రచయిత విజయేంద్ర ప్రసాద్ చెప్పారు. ఇది అప్పట్లో హాట్ టాపిక్‌గా మారింది. ఇప్పుడు మళ్లీ అలాంటి వ్యాఖ్య చేసి కొత్త చర్చకు తెరలేపారు. ఇటీవల ఓ ఇంటర్వ్యూలో విజయేంద్ర ప్రసాద్ మాట్లాడుతూ.. ‘‘నేను ఏ పాత్రను తక్కువ చేయడం లేదు. కథ రాసేటప్పుడు రెండు పాత్రలు ఒకేలా అనిపించాయి. కానీ సినిమా చూశాక అది వేరేలా అనిపించింది. ఈ సినిమాలో రామ్ చరణ్ పాత్రకు చాలా వైవిధ్యాలు ఉన్నాయి. ఎన్టీఆర్ పాత్రలో అమాయకత్వం ఉంది. ఎన్టీఆర్ గొప్ప నటుడు. ఏ పాత్ర ఇచ్చినా అద్భుతంగా చేస్తాడు. అయితే RRR సినిమాలో తాను పోషించిన పాత్రను పోషించడం చాలా కష్టమైంది. కథను ముందుకు తీసుకెళ్లడంలో ఎన్టీఆర్ పాత్ర సహాయం చేస్తుంది. రామ్ చరణ్ పాత్రను రాముడిగా చూపించడానికి మేము ప్రయత్నించలేదు. రామరాజులాగా చూపించాం. కానీ అది రాముడిలా వచ్చింది. బహుశా రాముడి ప్రభావము ఉండి ఉంటుంది” అని కామెంట్స్ చేసారు. ఈ కామెంట్స్ ఇపుడు వైరల్ అవుతున్నాయి.

వీటిని కూడా చదవండి : నాగచైతన్యకు రెండో తమ్ముడు ఉన్నాడని మీకు తెలుసా.. ఇప్పుడు ఏం చేస్తున్నాడంటే..?