ఈ అమ్మాయి ఎంత మంచి భార్యనో.. వైరల్ వీడియో చూసి కితాబిస్తున్న నెటిజన్స్..!

సిగరెట్, మందు లాంటి అలవాట్లు చాలా చెడ్డవి. ఒకసారి వీటికి అలవాటు పడ్డాం అంటే.. వాటిని మానేయడం చాలా కష్టం. ఇక పెళ్లి అయ్యి.. భార్యా పిల్లలు వచ్చాక కూడా ఈ అలవాటు మానుకోకపోతే వారికి మరింత కష్టంగా ఉంటుంది. చాలా మంది భార్యలు తమ భర్తకు అలవాట్లు ఉంటె సహించలేకపోతుంటారు. ఈ కారణంగా చాలా గొడవలు కూడా అవుతుంటాయి. కానీ ఈ భార్య ఎవరో గాని మరీ ఉత్తమురాలిలాగా ఉంది. కార్యేషు దాసీ అన్న వాక్యాన్ని నూటికి నూరు శాతం పాటించే విధంగా ఉంది.

ఇంతకీ ఇదంతా ఎవరి గురించి అనుకుంటున్నారా? నెట్టింట్లో వైరల్ అవుతున్న ఓ వీడియోలో భార్యామణి గురించే. ఇటీవల సోషల్ మీడియాలో ఓ వీడియో వైరల్ అవుతోంది. ఇందులో భార్య భర్తలు బైక్ పై వెళ్తుండగా.. ముందు సైడ్ ఓ పిల్లాడు కూడా కూర్చుని ఉన్నాడు. బైక్ ని భర్త డ్రైవ్ చేస్తుండగా భార్య వెనుక వైపు కూర్చుని భర్తకి అందే విధంగా సిగరెట్ ను పట్టుకుని కూర్చుంది. ఆ భర్త బండి తోలుతూ మధ్య మధ్యలో పఫ్ తీసుకోవడానికి తలని సైడ్ కి తిప్పుతున్నాడు. ఆ సమయంలో భార్య అతనికి సిగరెట్ అందిస్తోంది. అతను పఫ్ తీసుకుని వదిలేయడం, బండి తోలడం ఇవన్నీ వీడియోలో రికార్డు అయ్యాయి.

ఈ వీడియోను వెనకాల కారు తోలుతూ ఉన్న వ్యక్తి రికార్డు చేసారు. ట్విట్టర్ యూజర్ హస్నా జరూరీ హై అనే వ్యక్తి ఈ వీడియోను నెట్టింట్లో పంచుకున్నారు. “ఇలాంటి భార్య నాకు కూడా ఉంటె బాగుండేది” అనే కాప్షన్ తో ఈ వీడియోను షేర్ చేసారు. షేర్ చేసిన కొద్దీ సేపటిలోనే ఈ వీడియో వైరల్ అయ్యింది. ఇప్పటికి 175.1k మంది ఈ వీడియోను చూసారు. ఈ వీడియో చూసిన అందరు ఎంత మంచి భార్య దొరికింది బాబూ అని కామెంట్స్ చేస్తున్నారు. మరికొందరు మాత్రం ఎదురుగా చిన్న పిల్లాడిని పెట్టుకుని ఎటువంటి స్టంట్ లు అవసరమా? అంటూ కామెంట్స్ చేస్తున్నారు.

 

https://www.youtube.com/watch?v=KhtPa3ix4bk