త్వరలో పెళ్లి చేసుకోబోతున్న విశ్వక్ సేన్ ?

టాలీవుడ్  ఇండస్ట్రీలో ఉన్న యంగ్ హీరోల్లో విశ్వక్ సేన్ ఒకరు. ఫలక్ నుమ దాస్ మూవీతో సూపర్ హిట్ సాధించిన విశ్వక్ సేన్.. ఆ తరువాత బ్యాక్ టూ బ్యాక్ సినిమాలతో అలరిస్తున్నారు. ఇటీవలే దాస్ కా ధమ్కీ మూవీతో మరో విజయాన్ని ఖాతాలో వేసుకున్నారు. ప్రస్తుతం చేతినిండా సినిమాలతో బిజీగా ఉన్న ఈ హీరో అభిమానులకు గుడ్ న్యూస్ చెప్పారు. త్వరలోనే తాను ఓ ఇంటి వాడిని కాబోతున్నట్టు సోషల్ మీడియా వేదికగా ప్రకటించారు. ఈ మేరకు తన అధికారిక ఇన్ స్టా గ్రామ్ లో ఓ నోట్ షేర్ చేశాడు విశ్వక్ సేన్. 

ప్రస్తుతం విశ్వక్ సేన్ చేసిన ఈ పోస్ట్ సోషల్ మీడియాలో తెగ వైరల్ అవుతోంది. మరోవైపు నెటిజన్లు రకరకాలుగా కామెంట్స్ చేస్తున్నారు. విశ్వక్ కు శుభాకాంక్షలు తెలుపుతుండగా.. మరికొందరూ కొత్త సినిమా అనౌన్స్ చేయబోతున్నారా అంటూ ప్రశ్నల వర్షం కురిపిస్తున్నారు. “ఇన్నాళ్లుగా నాపై ప్రేమ చూపిస్తున్న అభిమానులకు శ్రేయోలాషులకు ఎప్పటికీ రుణపడి ఉంటాను. ఇప్పుడు మీ అందరితో ఒక విషయం పంచుకోవాలని అనుకుంటున్నాను. త్వరలో నా జీవితంలో మరో ఘట్టాన్ని ప్రారంభించబోతున్నాను. నేను కుటుంబాన్ని స్టార్ట్ చేయబోతున్నాను.   ఆగస్టు 15న పూర్తి వివరాలు వెల్లడిస్తాను” అంటూ నోట్ లో రాసుకొచ్చాడు విశ్వక్ సేన్.