Advertisement
టి20 వరల్డ్ కప్ 2022 టోర్నీని ఇంగ్లాండ్ కైవసం చేసుకున్న సంగతి తెలిసిందే. లో స్కోరింగ్ గేమ్ లో పాక్ విధించిన 138 పరుగుల లక్ష్యాన్ని 5 వికెట్లు కోల్పోయి ఛేదించిన ఇంగ్లాండ్, రెండోసారి టి20 వరల్డ్ కప్ ని సొంతం చేసుకుంది. మూడోసారి ఫైనల్ చేరిన పాకిస్తాన్, మరోసారి రన్నరప్ తో సరిపెట్టుకుంది. అయితే..టి20 ప్రపంచ కప్-2022 టోర్నీ ఫైనల్ లో ఇంగ్లాండ్ తో మ్యాచ్ సందర్భంగా ఆఫ్రిది గాయపడిన విషయం తెలిసిందే. మ్యాచ్ కీలక దశలో ఉన్న సమయంలో అతడు బౌలింగ్ చేయలేక మైదానాన్ని వీడాడు.
Advertisement
అయితే అప్పటికే మ్యాచ్ ఇంగ్లాండ్ చేతుల్లోకి వెళ్లినప్పటికీ, ఆఫ్రిది బౌలింగ్ కొనసాగించి ఉంటే ఫలితం తమకు అనుకూలంగా ఉండేది అంటూ పాక్ ఫ్యాన్స్ సోషల్ మీడియాలో కామెంట్లు చేశారు. ఈ క్రమంలో ఇంగ్లాండ్ చేతిలో పాకిస్తాన్ ఓటమిని తట్టుకోలేని ఓ నెటిజన్, “పిరికిపంద షాహిన్ ఆఫ్రిది, మిగతా ఐదు బంతులు వేసి నీ ఓవర్ పూర్తి చేయాల్సింది. కానీ పిరికి వాడిలా మైదానాన్ని వీడి నువ్వు పరుగులు తీశావు” అంటూ ఆఫ్రిదీని ట్రోల్ చేశాడు. ఈ క్రమంలో ఏ స్పోర్ట్స్ షోలో పాల్గొన్న వసీం అక్రమ్ దృష్టికి ఈ ట్వీట్ రావడంతో సదరు నెటిజన్ ను ఉద్దేశించి ఘాటు వ్యాఖ్యలు చేశారు.
Advertisement
“షాహిని ఆఫ్రిది గురించి అతడు ఏమంటున్నాడో చూడండి. కాస్తయినా సిగ్గుండాలి. ఒకవేళ నువ్వు కనుక నా ఎదురుగా ఉండి ఉంటేనా” అంటూ కోపంతో ఊగిపోయాడు. ఇందుకు సంబంధించిన వీడియో తాజాగా వెలుగులోకి వచ్చింది. కాగా నవంబర్ 13న మేల్ బోర్న్ లో జరిగిన వరల్డ్ కప్ ఫైనల్లో పాక్ ఐదు వికెట్లు తేడాతో ఓటమిపాలై రన్నరప్ గా నిలిచింది. ఇక ఈ మ్యాచ్ సందర్భంగా ఇంగ్లాండ్ ఇన్నింగ్స్ లో 13 ఓవర్ల లో హ్యారి బ్రూక్ క్యాచ్ అందుకునే క్రమంలో ఆఫ్రిది మోకాలికి గాయమైంది. చికిత్స అనంతరం 16వ ఓవర్ వేసేందుకు అతడు మైదానంలోకి వచ్చాడు. అయితే ఒక బంతి వేయగానే ఆఫ్రిది బౌలింగ్ నుంచి తప్పుకున్న విషయం తెలిసిందే.
READ ALSO : కార్తీ ‘సర్దార్’ ఓటీటీ రిలీజ్ డేట్.. స్ట్రీమింగ్ ఎప్పుడు, ఎక్కడ?
