Advertisement
వృత్తి వ్యాపారాలు చేసే వృషభ రాశి వారికి ఆర్థికంగా ఇది ఎంతో అనుకూల సమయం. మీన రాశి వారు ఉద్యోగం మారే విషయంలో మోసపోయే అవకాశం ఉంది. వీటి వివరాలతో పాటు అన్ని రాశుల వారిగా వార ఫలాలు ఎలా ఉన్నాయంటే!
Advertisement
మేషం:
వ్యక్తిగతంగా ఆర్థిక పరిస్థితి మెరుగుపడుతుంది. వృత్తి వ్యాపారాల్లో ఆర్థిక అంశాలు బాగా మెరుగ్గా ఉంటాయి. ప్రస్తుతానికి ఉద్యోగం మారే ప్రయత్నాలు చేయవద్దు. కుటుంబ సమస్య సామరస్యంగా పరిష్కారం అవుతుంది. బంధువులు మీకు చేదోడు వాదోడుగా ఉంటారు. పిల్లల నుంచి శుభవార్తలు వింటారు. మంచి పెళ్లి సంబంధం కుదురుతుంది ఆధ్యాత్మిక చింతన పెరుగుతుంది.
also read; ఒకే లైన్ కథతో విడుదలైన ఎన్టీఆర్, గోపీచంద్ సినిమాలు.. ఏది హిట్ అయిందంటే..?
వృషభం:
ప్రస్తుతం చేస్తున్న ఉద్యోగంలో త్వరలో స్థిరత్వం లభిస్తుంది. ఉద్యోగం మారడానికి ప్రయత్నాలు చేయకపోవడం మంచిది. ఆదాయం బాగానే ఉంటుంది. ఆర్థికంగా అభివృద్ధికి అవకాశం ఉంది. తలపెట్టిన పనులు ఎంతో శ్రమ మీద పూర్తవుతాయి. ఆరోగ్యం నిలకడగా ఉంటుంది. పిల్లల పురోగతి గురించి సమాచారం అందుకుంటారు. కుటుంబానికి సంబంధించి మంచి నిర్ణయాలు తీసుకుంటారు.
మిధునం:
ఇంట, బయట ఒత్తిడి అధికంగా ఉంటుంది. అదనపు ఆదాయం కోసం క్షణం తీరికలేకుండా శ్రమ పడాల్సి వస్తుంది. ఉద్యోగంలో అదనపు బాధ్యతలు మీద పడి శ్రమకు గురవుతారు. వ్యాపారం నిలకడగా సాగుతుంది. కొత్త పరిచయాల విషయంలో అప్రమత్తంగా ఉండాలి. ఆరోగ్యం పర్వాలేదు. మిత్రుల వల్ల మేలు జరుగుతుంది. నిరుద్యోగులకు ఆఫర్ వస్తుంది.
కర్కాటకం:
ఈ వారం అంతా బాగుంటుంది. మీ కలలు సాకారం అయ్యే సమయం ఇది. ఆకస్మిక ధన లాభానికి అవకాశం ఉంది. గతంలో మీ దగ్గర డబ్బు తీసుకున్న వారు తిరిగి తెచ్చి ఇస్తారు. ఉద్యోగంలో అధికారులను మెప్పిస్తారు. అధికార లాభానికి కూడా అవకాశం ఉంది. ఆర్థిక స్తోమత పెరుగుతుంది. సమాజానికి మేలు జరిగే పనులు చేపడతారు.
సింహం:
ఈ వారం మిశ్రమంగా ఉంటుంది. అనుకోకుండా ఆర్థిక సహాయం అంది కొద్దిగా ఊరట చెందుతారు. ఉద్యోగ వ్యాపారాల్లో ఆదాయం నిలకడగా ఉంటుంది. నిరుద్యోగులకు ఉద్యోగం లభించే అవకాశం ఉంది. డాక్టర్లు, లాయర్లు, స్వయం ఉపాధి వారి ఆర్థిక పరిస్థితి మెరుగ్గా ఉంటుంది. ఉద్యోగంలో ఇబ్బందికర పరిస్థితులు తలెత్తుతాయి.
కన్య:
చాలావరకు మీరు అనుకున్న పనులు అనుకున్నట్టుగా జరిగిపోతాయి. ఇంటి వాతావరణం ప్రశాంతంగా ఉంటుంది. ఊహించని విధంగా మిత్రుల నుంచి సహాయం అందుతుంది. ఉద్యోగంలో మీకు అదనపు బాధ్యతలు అప్పగిస్తారు. ఆర్థికంగా బాగానే ఉంటుంది. రాదనుకున్న డబ్బు చేతికి అందుతుంది. కుటుంబ సంబంధంగా కొన్ని మంచి నిర్ణయాలు తీసుకోవడం జరుగుతుంది.
Advertisement
తుల:
ఈ వారం గ్రహ సంచారం కొద్దిగా అనుకూలంగా ఉంది. ఉద్యోగంలో అధికార హోదా లభించే అవకాశం ఉంది. సహఉద్యోగులు బాగా సహకరిస్తారు. వ్యాపారంలో లాభాలు నిలకడగా ముందుకు సాగుతాయి. కొందరు పలుకుబడి గల వారితో పరిచయాలు ఏర్పడతాయి. బంధువులకు సహాయంగా ఉంటారు. ఆదాయం పెరగడంతో కొన్ని ఆర్థిక సమస్యల నుంచి బయటపడతారు.
వృశ్చికం:
ఉద్యోగ వాతావరణం అనుకూలంగా ఉంటుంది. అధికారులు కొత్త బాధ్యతలు అప్పగిస్తారు. ఆదాయం పెరిగి కొన్ని ఆర్థిక సమస్యల నుంచి గట్టెకుతారు. సన్నిహితుల సహాయంతో కొన్ని ముఖ్యమైన పనులు పూర్తి చేస్తారు. వ్యాపారుల ఆర్థిక పరిస్థితి చాలా వరకు మెరుగుపడుతుంది. వీలైనంతగా రుణభారం తగ్గించుకుంటారు. వృత్తి నిపుణులకు సమయం బాగుంది.
ధనస్సు:
ఉద్యోగులకు మంచి కంపెనీల నుంచి ఆఫర్లు వచ్చే అవకాశం ఉంది. నిరుద్యోగులు ఉద్యోగం సంపాదించే సూచనలు కనిపిస్తున్నాయి. ఆకస్మిక ధన లాభం ఉంది. వ్యాపార పరంగా ఆర్థిక ప్రయోజనాలు కనిపిస్తున్నాయి. ఒక కీలక సమస్యను సామరస్యంగా పరిష్కరించుకుంటారు. కుటుంబ వాతావరణం ప్రశాంతంగా ఉంటుంది. బంధువులతో అపార్ధాలు ఏర్పడతాయి.
మకరం:
ఒక దీర్ఘకాల సమస్య పరిష్కారం అవుతుంది. కుటుంబ పరంగా ఒక కొత్త సమస్య ప్రారంభమవుతుంది. కొద్దిగా ఆదాయం పెరుగుతుంది. అదనపు ఆదాయం కోసం మీరు గతంలో చేసిన ప్రయత్నాలు మంచి ఫలితాలని ఇస్తాయి. ఆరోగ్యానికి ఏ మాత్రం డోకా లేదు. ఉద్యోగంలో మీ శ్రమకు తగ్గ ప్రతిఫలం లభిస్తుంది. రాదనుకుని వదిలేసుకున్న డబ్బు చేతికి వస్తుంది.
కుంభం:
ఉద్యోగం మారడానికి చేస్తున్న ప్రయత్నాలు సత్ఫలితాలనిస్తాయి. వృత్తి వ్యాపారాల్లో ఆదాయానికి లోటు ఉండదు. కానీ బాగా శ్రమ పడాల్సి ఉంటుంది. అనుకున్న పనులు విజయవంతంగా పూర్తి చేస్తారు. ఖర్చులు బాగా పెరుగుతాయి. గతంలో మీ వల్ల సహాయం పొందిన వారు మిమ్మల్ని అన్ని విధాల ఆదుకుంటారు.
మీనం:
ఉద్యోగం మారే విషయంలో మోసపోయే అవకాశం ఉంది. ఆచితూచి అడుగు వేయాలి. ఆర్థిక పరిస్థితి కొద్దిగా మెరుగ్గా ఉంటుంది. కుటుంబం విషయంలో కొన్ని నిర్ణయాలు తీసుకుంటారు. దీర్ఘకాలిక సమస్య ఒకటి పరిష్కారం అవుతుంది. నిరుద్యోగులకు ఉద్యోగం లభించే అవకాశం ఉంది. తలపెట్టిన పనుల్ని మిత్రుల సహాయంతో పూర్తి చేస్తారు.
also read: అమ్మాయిలు ఎక్కువగా ఎలాంటి విషయాలను వినడానికి ఇష్టపడతారు !
