మొన్న సుధీర్‌.. నిన్న అలీ.. ఇప్పుడు సుమ.. ఎందుకు వెళ్లిపోతున్నారో?

ఈటీవీ, తెలుగు వారికి దీని గురించి ప్రత్యేకంగా చెప్పాల్సిన పనిలేదు. దాదాపు నాలుగు దశాబ్దాల నుంచి తెలుగు ప్రేక్షకులకు బాగా దగ్గరయింది. మీడియా మొగల్ రామోజీరావు సారధ్యంలో ఇది అంచెలు అంచెలుగా ఎదిగింది. ఈటీవీలో వచ్చే ఎన్నో కార్యక్రమాలు ప్రేక్షకులకు దగ్గరవుతూ ఉంటాయి. చాలా కార్యక్రమాల కోసం ప్రేక్షకులు ఎదురు చూసేవాళ్ళు. నాణ్యత కూడా అదే స్థాయిలో ఉంటుంది. ఈటీవీలో వచ్చే జబర్దస్త్, ఢీ, పోవే పోరా, క్యాష్ ఇలా తెలుగు ప్రేక్షకులను ఎంతగానో ఆకట్టుకుంటున్నాయి.

ఇది ఇలా ఉండగా, గత కొన్ని రోజులుగా ఈటీవీలో కనిపించే స్టార్లు వరుసగా దూరం అవుతున్నారు. జబర్దస్త్ లో కాస్త ఫేమ్ సంపాదించుకున్న కమెడియన్స్ వివిధ కారణాల వల్ల బయటకు వెళ్లిపోయారు. జడ్జీలు నాగబాబు, రోజా కూడా వెళ్లిపోయారు. కొత్త జడ్జిల్లో ఇంద్రజ ఒక్కరే పర్మినెంట్ గా కనిపిస్తున్నారు.

ప్రతి సోమవారం ఆలీతో సరదాగా అంటూ ఇంటర్వ్యూలు చేసే ఆలీ, ఇటీవల షోను స్టాప్ చేశారు. త్వరలో వస్తామని చెప్పారు అనుకోండి. అయితే మరి సోమవారాన్ని ఏ షో తో ఫిల్ చేస్తారో చూడాలి. వావ్ ముగించేసి ఇంకొక కార్యక్రమం తెచ్చారు. దాని రెస్పాన్స్ గురించి మనం మాట్లాడకూడదు. ఇక ఢీ కొత్త సీజన్ ఓంకార్ షో కాన్సెప్ట్ లో తీసుకొచ్చారు. ఇంకా దాని ఎఫెక్ట్ గురించి మాట్లాడాలంటే కాస్త టైమ్ పడుతుంది. తాజాగా క్యాష్ షోను ఆపేస్తున్నట్లు సుమ ప్రకటించారు. దీంతో ఇలా వరుసగా ఎందుకు ఈటీవీని వీడుతున్నారు అనే ప్రశ్న మొదలైంది. మామూలుగా అయితే ఆలీతో సరదాగా ఆపేస్తే, ఆయనే ఓ గేమ్ షో చేసేవారు. క్యాష్ ఆపేస్తే, జీన్స్ చేసేవారు. కానీ ఇప్పుడు ఆ అనౌన్స్మెంట్లు ఏమీ రాలేదు. ఇక సుధీర్ వస్తాను అంటున్న, ఇంకా గేర్లు తెరవలేదు అనే మాటలు కూడా వినిపిస్తున్నాయి. మరి పోయినవారు మళ్లీ వస్తారో లేదో చూడాలి.

Read also:  13 సెకన్లలో ఈ ఫోటోలో మొసలిని కనిపెడితే మీరే జీనియస్..