తెలంగాణ సీఎం రేవంత్ రెడ్డి ఫేవరెట్ హీరో ఎవరో తెలుసా?

కాంగ్రెస్ చీఫ్ రేవంత్ రెడ్డి తెలంగాణ సీఎం గా మరికొన్ని గంటల్లో ప్రమాణ స్వీకారం చేయనున్న సంగతి తెలిసిందే. ఆయన ప్రమాణ స్వీకారం సందర్భంగా కేసీఆర్, చంద్రబాబు నాయుడుతో సహా పలువురు నేతలకు ఆహ్వానాలు అందాయని తెలుస్తోంది. అసెంబ్లీ ఎన్నికల్లో విజయం సాధించిన రేవంత్ రెడ్డి తెలంగాణ సీఎం అయ్యారు. అయితే.. ఈ సందర్భంగా ఆయన వ్యక్తిగత జీవితానికి సంబంధించిన విషయాలు కూడా సోషల్ మీడియాలో తెగ వైరల్ అవుతున్నాయి.

రేవంత్ రెడ్డి కి మహేష్ బాబు తండ్రి సూపర్ స్టార్ కృష్ణ అంటే వల్లమాలిన అభిమానమట. ఈ విషయాన్నీ రేవంత్ రెడ్డి పలు సందర్భాలలో తన సన్నిహితులతో చెప్పుకున్నారట. రేవంత్ రెడ్డి ఫేవరెట్ హీరో సూపర్ స్టార్ కృష్ణ అని తెలియడంతో నెటిజన్స్ ఆశ్చర్యపోతున్నారట. రేవంత్ రెడ్డి గురించిన విషయాలే సోషల్ మీడియాలో ఎక్కడ చూసినా కనిపిస్తున్నాయి. తెలంగాణ రాష్ట్రము ఏర్పడ్డాక రెండవ సీఎం గా ఎన్నిక అయిన రేవంత్ రెడ్డి తన మానిఫెస్టోలో చెప్పిన విషయాలను అమలు చేయడానికి సిద్ధం అవుతున్నారట.

కాంగ్రెస్ పార్టీ తన మేనిఫెస్టో లో ఇచ్చిన విషయాలను ఆచరణాత్మకంగా గా అమలు చేయడానికి 88,000 కోట్ల రూపాయలను ఖర్చు చేయడానికి సిద్ధం అవుతోందట. తెలంగాణ రాష్ట్రానికి కాబోయే ముఖ్యమంత్రి రేవంత్ రెడ్డి గురువారం మధ్యాహ్నం 1.04 గంటలకు ప్రమాణ స్వీకారం చేయనున్నారు. ఆయన ప్రమాణ స్వీకారం కోసం ఎల్బీ స్టేడియంలో ప్రత్యేక ఏర్పాట్లు జరుగుతున్నాయట. ఇందుకోసం భారీ స్థాయిలో కార్యకర్తలు హాజరు కానున్నారని తెలుస్తోంది. ఈ విషయమై బండ్ల గణేష్ మాట్లాడుతూ రేవంత్ రెడ్డి సీఎం కావడం, కాంగ్రెస్ పార్టీ అధికారంలోకి రావడం సంతోషాన్నిచ్చింది అని చెప్పుకొచ్చారు. ఆయన కాంగ్రెస్ పార్టీకి అనుకూలం అంటూ ఆయన గురించిన వార్తలు సోషల్ మీడియాలో వైరల్ అవుతున్నాయి. అయితే.. బండ్ల గణేష్ మాత్రం తనకు ఏ పదవి అవసరం లేదు అంటూ క్లారిటీ ఇచ్చారు.

Read More:

ఈ మూడు సందర్భాల్లో తప్ప.. స్త్రీ కన్నీళ్లు పెడితే.. ఆ ఇంటికి దరిద్రం పట్టినట్లే!

పటౌడీ ప్యాలెస్ లో యానిమల్ సినిమా షూటింగ్.. వైరల్ అవుతున్న ఫోటో వెనుక స్టోరీ ఏంటంటే?