రహదారులపై ఉన్న చెట్లకి తెలుపు, ఎరుపు రంగు ఎందుకు వేస్తారు ?

రహదారులపై మనం ప్రయాణించేటప్పుడు ఎంతో ఆహ్లాదంగా ఉంటుంది. వాటి పక్కన ఉండే చెట్లను చూస్తుంటే మనసుకు ఎంతో ఆహ్లాదం కలుగుతుంది. అందుకనే చాలామంది ప్రయాణాలను చేయడాన్ని ఇష్టపడుతుంటారు. సాధారణంగా రహదారులపై ప్రయాణం చేసేటప్పుడు రోడ్లకు ఇరువైపులా చాలా చెట్లను చూసే ఉంటాం. ఆ చెట్లను చూస్తుంటే మనకు మంచి ఆహ్లాదం అనిపిస్తుంది. అందుకే చాలా మంది ప్రయాణం చేయడానికి ఇష్టపడతారు. మరి ఆ చెట్లకు ఎరుపు మరియు తెలుపు రంగు పెయింట్ లు వేసి ఉంటాయి. మరి ఆ పెయింట్ లు ఎందుకు వేస్తారు.. దాని వెనుక ఉన్నటువంటి అసలు కారణం ఏమిటి.. ఓ సారి తెలుసుకుందాం..?

రహదారి వెంబడి ఉండేటువంటి చెట్లకు ఎరుపు మరియు తెలుపు రంగు పెయింట్ లు వేస్తారు అంటే అవి ఫారెస్ట్ డిపార్ట్మెంట్ కు చెందిన ట్రీస్ అని అర్థం. ఇవి అటవీ శాఖ పరిధిలోకి వస్తాయని సంకేతం. వృక్షాలను అటవీశాఖ వారే ప్రత్యేకంగా రక్షిస్తున్నారు అన్నమాట. ఇలాంటి చెట్లకు మనం ఏ విధమైన హాని తలపెట్టిన ప్రభుత్వపరంగా చర్యలు అనేవి ఉంటాయి.

అలాగే అందరూ సులువుగా గుర్తించడం కోసమే ఈ రంగులను వేస్తారు. ఇక తెలుపు రంగు పెయింట్ ఎందుకు వేస్తారు అంటే రాత్రిపూట ఈ చెట్లు ప్రయాణికులకు సులభంగా కనిపించాలని తెలుపు రంగును చెట్ల కింద భాగంలో వేస్తారు. ఈ తెలుపు రంగు పైన కొంత భాగం ఎరుపు రంగు పెయింట్ వేస్తారు. ఎందుకంటే భూమిలోంచి క్రిమికీటకాలు చెట్టు ఎక్కి పాడు చేస్తాయని చెట్టు మొదటి భాగం నుంచి పెయింట్ వేసి వదిలేస్తారు. దీని వల్ల చెట్లు సురక్షితంగా ఉంటాయి. ఈ పెయింట్ వల్ల చెట్లు కూడా త్వరగా దెబ్బతినకుండా ఉంటాయని చెబుతున్నారు.

READ ALSO : కృష్ణంరాజు ఎన్ని సినిమాలు నిర్మించారు? అందులో హిట్లు ఉన్నాయో తెలుసా?