ఆర్ నారాయణ మూర్తి టెంపర్ సినిమాని రిజెక్ట్ చేయడానికి కారణం ఏమిటి..?

జూనియర్ ఎన్టీఆర్ గురించి కొత్తగా చెప్పక్కర్లేదు. జూనియర్ ఎన్టీఆర్ ఎన్నో సినిమాల్లో నటించి మంచి హీరోగా పేరు తెచ్చుకున్నారు. ముఖ్యంగా జూనియర్ ఎన్టీఆర్ రాజమౌళి దర్శకత్వంలో వచ్చిన ఆర్ఆర్ఆర్ సినిమాతో ఓ మెట్టు ఎక్కేసారు. జూనియర్ ఎన్టీఆర్ నటించిన సినిమాల్లో టెంపర్ సినిమా కూడా ఒకటి. పూరి జగన్నాథ్ దర్శకత్వంలో ఈ సినిమా తెరమీదకి వచ్చింది ఈ సినిమా బాక్స్ ఆఫీస్ వద్ద పెద్ద హిట్ని అందుకుంది. ఎన్టీఆర్ నటన సినిమాకి హైలైట్ అయింది. ఈ సినిమాలో కానిస్టేబుల్ మూర్తి పాత్ర కూడా ఉంది అందుకోసం ఆర్.నారాయణమూర్తిని ముందు దర్శకుడు సంప్రదించారట కానీ ఆర్ నారాయణ మూర్తి ఆ పాత్రని రిజెక్ట్ చేశారు. అయితే సినిమా 9 ఏళ్ల పూర్తి చేసుకున్న సందర్భంగా ఆర్ నారాయణ మూర్తి ఆ పాత్రని రిజెక్ట్ చేయడానికి గల కారణాన్ని చెప్పారు.

టెంపర్ లో అంత గొప్ప పాత్ర ని నాకు ఇవ్వడానికి వచ్చిన పూరి జగన్నాథ్ కి నేను సెల్యూట్ చేస్తున్నానని అన్నారు. ఆ పాత్రని నేను పోషిస్తే సినిమా ఆడిస్తుంది అని ఆయన నాకు ఆఫర్ చేయలేదు. నాతో ఒక గొప్ప క్యారెక్టర్ చేద్దామని డిఫరెంట్ వేషం వేయిద్దాం అని ఉద్దేశంతో ఆ పాత్రని నాకు ఇవ్వాలని అనుకున్నారు. ఎన్టీఆర్ కూడా నన్ను ఎంతో ప్రేమగా అడిగారు కానీ పాత్రలో నేను చేయలేను నన్ను మన్నించండి అని అన్నాను ఎందుకంటే నేను జూనియర్ ఆర్టిస్ట్ ని. క్యారెక్టర్ ఆర్టిస్ట్ గా కెరియర్ ని స్టార్ట్ చేసి హీరో స్థాయికి ఎదిగాను ఇక నేను సినిమాలు చేస్తే అయిదారేళ్లకు మించి చేయను.

అందుకని మళ్లీ నేను క్యారెక్టర్ ఆర్టిస్ట్ గా చేయకూడదని అనుకున్నాను. అంతే తప్ప వేరే ఉద్దేశం లేదని ఆర్ నారాయణ మూర్తి చెప్పారు. అయితే ఈ పాత్రలో రచయిత దర్శకుడు అయిన పోసాని కృష్ణ మురళి నటించారు. అవినీతి పోలీస్ అధికారి అయిన దయ కి కనీసం సెల్యూట్ కూడా చేయని వ్యక్తిగా ఆయన నటనతో ఎంతగానో ఆకట్టుకున్నారు పోసాని. దయ ఎన్టీఆర్ మారిపోయాక సెల్యూట్ చేస్తూ చెప్పిన సంభాషణలు ప్రేక్షకులకి బాగా నచ్చాయి ఎంతగానో పోసాని ఆ పాత్రలో నటించి అందర్నీ ఆకట్టుకున్నారు అయితే ప్రస్తుతం ఆర్ నారాయణ మూర్తి చెప్పిన విషయం వైరల్ గా మారింది.

తెలుగు సినిమా వార్తల కోసం వీటిని చూడండి! తెలుగు న్యూస్ కోసం ఇవి చూడండి!