సైమా అవార్డ్స్ లో రామ్ చరణ్ కు ఎందుకు అవార్డు రాలేదు? అసలు కారణం ఇదేనా?

ఆర్ ఆర్ ఆర్ సినిమాకు గాను ఎన్టీఆర్ ఉత్తమ నటుడు అవార్డు గెలుచుకున్న సంగతి తెలిసిందే. ఇటీవల జరిగిన సైమా అవార్డ్స్ 2023 ఫంక్షన్ ఎన్టీఆర్ తన స్పీచ్ తో అలరించారు. ప్రస్తుతం ఎన్టీఆర్ చెప్పిన స్పీచ్ సోషల్ మీడియాలో వైరల్ అవుతోంది. బెస్ట్ యాక్టర్ గా అవార్డు అందుకున్న ఎన్టీఆర్ ఫ్యాన్స్ ను ఉద్దేశించి ప్రసంగించారు. రెండు రోజుల పాటు సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌ వేడుకలు జరుగగా.. తోలి రోజు తెలుగు, కన్నడ సినీ పరిశ్రమలకు సంబంధించి అవార్డు ప్రదానం జరిగింది. మరుసటి రోజు తమిళ్, మలయాళం పరిశ్రమలకు సంబంధించి నటులకు అవార్డ్స్ ఇవ్వడం జరిగింది.

బెస్ట్ యాక్టర్ గా అవార్డు ని ఎన్టీఆర్ అందుకోవడంతో ఆయన అభిమానుల సంతోషానికి హద్దే లేదు. అయితే.. ఆర్ ఆర్ ఆర్ సినిమా సక్సెస్ లో రామ్ చరణ్ కు కూడా సమాన వాటా ఉంది. అయితే.. రామ్ చరణ్ కు ఎందుకు అవార్డు రాలేదు? అని రామ్ చరణ్ ఫ్యాన్స్ లో చర్చ మొదలైంది. వాస్తవానికి ఈ అవార్డు కేటగిరిలో ఎన్టీఆర్ తో పాటు రామ్ చరణ్ కూడా ఉత్తమ నటుడి క్యాటగిరికి ఎంపిక అయ్యారు. కానీ అవార్డు మాత్రం జూనియర్ ఎన్టీఆర్ మాత్రమే తీసుకున్నారు.

దీనితో ఇటు ఎన్టీఆర్, అటు రామ్ చరణ్ ఫ్యాన్స్ మధ్య సోషల్ మీడియాలో వార్ మొదలైంది. కానీ అసలు విషయం ఏంటంటే.. రామ్ చరణ్ కు గత రెండు రోజులుగా జ్వరంగా ఉందట. గేమ్ ఛేంజర్ షూటింగ్ కి సైతం వెళ్లకుండా బ్రేక్ ఇచ్చి విశ్రాంతి తీసుకుంటున్నారట. ఇలాంటి సమయంలో ఆయనకు దుబాయ్ కి వెళ్లేంత ఓపిక లేకపోవడం, సమయం కూడా లేకపోవడంతో సైమా యాజమాన్యానికి తెలిపారట. దీనితో వారు అవార్డుని జూనియర్ ఎన్టీఆర్ కి ఇచ్చారట. మరోవైపు రామ్ చరణ్ అభిమానులు ఒక సపోర్టింగ్ రోల్ కు ఉత్తమ నటుడు అవార్డు ఎందుకు ఇస్తారని సైమా అవార్డ్స్ ట్విట్టర్ హ్యాండిల్ ను టాగ్ చేసి అడుగుతున్నారు.

మరిన్ని..

Related posts:

About srilakshmi Bharathi