'పోకిరి' రీ- రిలీజ్ దెబ్బకు..ఆ నలుగురు హీరోల సినిమాలు విడుదల చేయాలని డిమాండ్లు

సూపర్ స్టార్ మహేష్ బాబు, ఇలియానా జంటగా డేరింగ్ అండ్ డాషింగ్ డైరెక్టర్ పూరి జగన్నాథ్ రూపొందించిన మాస్ ఎంటర్టైనర్ ‘పోకిరి’. ఇటీవల రీ-రిలీజ్ అయిన ఈ మూవీ ఇప్పుడు కూడా వసూళ్లపరంగా రికార్డుల మూత మోగించింది. దాదాపు 16 ఏళ్ల క్రితం అంటే 2006లో వచ్చింది. పోకిరి అప్పటివరకు మహేష్ బాబుకి ఉన్న ఇమేజ్ ను నాలుగు రేట్లు పెంచిన సినిమా ఇది. కంప్లీట్ పూరి మార్కు తో తెరకెక్కిన ఈ సినిమా అప్పట్లో సంచలన విజయాన్ని అందుకుంది. దాదాపు 75 ఏళ్ల నుంచి ఉన్న రికార్డులను మహేష్ ఈ మూవీతో చెరిపేశారు.

పోకిరి తర్వాత అటు పూరిని, ఇటు మహేష్ బాబుని మళ్లీ ఇలాంటి సినిమా ఎప్పుడు చేస్తారు అని ఇప్పటికఇప్పటికీ అడుగుతూనే ఉన్నారు. అయితే, ఆగస్టు 9న మహేష్ బాబు పుట్టినరోజు. ఈ సందర్భంగా ‘పోకిరి’ చిత్రాన్ని 4కె డిజిటల్ లో రీ-రిలీజ్ చేశారు. ఈ సినిమా మళ్లీ థియేటర్స్ లో సందడి చేయడానికి రెడీ అవుతుందని తెలిసినప్పటి నుంచే మహేష్ అభిమానులు మొదలుపెట్టిన రచ్చ అంత ఇంతా కాదు.,,,, అయితే పోకిరి రిలీజ్ సక్సెస్ కావడంతో, టాలీవుడ్ లోని సీనియర్ హీరోల ఫ్యాన్స్ సరికొత్త డిమాండ్ తెరపైకి తీసుకువచ్చారు. చిరంజీవి, వెంకటేష్, నాగార్జున, బాలయ్య కు సంబంధించిన ఫ్యాన్స్ తమ హీరోల పాత సినిమాలను ఇప్పుడు రిలీజ్ చేయాలని డిమాండ్ చేస్తున్నారు. అంతేకాదు ట్విట్టర్ వేదికగా వరుసగా ట్వీట్లు పెట్టి హల్చల్ చేస్తున్నారు. అయితే ఆ సీనియర్ హీరోల సినిమాలు ఏవో ఇప్పుడు చూద్దాం.