బుమ్రా ఔట్.. ఆస్ట్రేలియాకు మహమ్మద్ షమీ పయనం

ప్రపంచ కప్ కు ముందు ఇండియాకు గుడ్ న్యూస్ అయింది. టి20 ప్రపంచ కప్ కోసం భారత జట్టులో చేరడానికి ఆస్ట్రేలియాకు మహమ్మద్ షమీ పయనం అయ్యాడు. తాను ఆసీస్ వెళ్తున్న టైం లో విమానంలో దిగిన ఫోటోలను తన ట్విట్టర్ లో షేర్ చేశాడు. ఈ మెగా టోర్నీ నుంచి భారత పేరుసు గుర్రం జాస్ప్రీత్ బుమ్రా తప్పుకోవడంతో షమీ అతని స్థానంలో బరిలోకి దిగే అవకాశాలు మెండుగా ఉన్నాయి.

Read also: తెలంగాణ రాష్ట్రంలో మరో ఉప ఎన్నిక ?

టి20 ప్రపంచ కప్ భారత జట్టు రిజర్వు ప్లేయర్లను షమీ కూడా ఉన్నాడు. అందువల్ల అతను ఎంపిక లాంచనమేనని తెలుస్తోంది. మరో రిజర్వు బౌలర్ దీపక్ చాహర్ గాయం బారిన పడడంతో షమీ ప్రధాన భారత జట్టులోకి వచ్చేందుకు మరింత దారి సుగుమమైంది. గత కొంతకాలంగా భారత టీ20 జట్టులో షమీ రెగ్యులర్ ప్లేయర్ గా ఉండలేదు. ఇకపోతే భారత బౌలింగ్ విభాగంలో హర్షల్ పటేల్, భువనేశ్వర్ కుమార్, ఆర్ష్ దీప్ సింగ్ టి20 ప్రపంచ కప్ కు ఎంపికయ్యారు.

ఇక నాలుగో పేసర్ కోసం భారత జట్టుకు షమీ కన్నా మంచి బౌలింగ్ ఆప్షన్ ప్రస్తుతం కనిపించడం లేదు. ఇక షమీ జట్టుకు ఎంపికైతే రిజర్వ్ బౌలర్లలో మరో ఇద్దరిని కూడా తీసుకునే వీలుంది. ఇండియన్ ప్రీమియర్ లీగ్ 2022 లో హార్దిక్ పాండ్యా సారథ్యంలోని గుజరాత్ టైటాన్స్ తరపున షమీ అత్యుత్తమ ప్రదర్శన కనబరిచిన సంగతి తెలిసిందే. గుజరాత్ ప్రారంభ సీజన్ లోని టైటిల్ గెలుచుకోవడంతో షమీ కీలక పాత్ర పోషించాడు. అటు ఇప్పటికే గాయం కారణంగా బూమ్రా, జడేజా దూరం కాగా తాజాగా స్టార్ బౌలర్ దీపక్ చాహార్ గాయం కారణంగా ప్రపంచకప్ ఆడట్లేదని ఇన్ సైడ్ స్పోర్ట్స్ వెల్లడించింది. దీనిపై బీసీసీఐ అధికారిక ప్రకటన చేయాల్సి ఉంది. కాగా సౌత్ ఆఫ్రికా తో తొలి వన్డే సందర్భంగా చాహార్ గాయపడ్డాడు. ఇతడి స్థానంలో శార్దూల్ ఠాకూర్ ను ఎంపిక చేసినట్లు సమాచారం.

 

read also : మోడీ టార్గెట్ గా కేటీఆర్ సంచలన ట్వీట్ !