వయస్సు కేవలం నెంబర్ మాత్రమే.. చంద్రబాబు సంచలన వ్యాఖ్యలు

రాయలసీమ పర్యటనతో చంద్రబాబు ఏపీ రాజకీయాలను మరింత హీటెక్కిస్తున్నారు. ఓవైపు టీడీపీ మరోవైపు వైసీపీ మాటల తూటాలు పేలుతున్నాయి. ఈ నేపథ్యంలో పులివెందుల సభలో టీడీపీ అధినేత చంద్రబాబునాయుడు కీలక వ్యాఖ్యలు చేసారు. పులివెందుల సభ చూసిన తరువాత అయినా తాడెపల్లిలో ఉన్న సీఎంజగన్ లో మార్పు వస్తుందని ఆశిస్తున్నామని టీడీపీ అధినేత చంద్రబాబు పేర్కొన్నారు. ప్రాజెక్టుల సందర్శనలో భాగంగా కడప జిల్లాలో పర్యటించిన చంద్రబాబు పులివెందుల వచ్చినట్టు మాజీ సీఎం చంద్రబాబు చెప్పారు.

మరోవైపు పులివెందులలో  సినిమా డైలాగ్ లనే కొట్టారు చంద్రబాబు. వయస్సు కేవలం నెంబర్ మాత్రమే.. సింహం ఎప్పుడు సింహమే అంటూ డైలాగులు పేల్చారు. టీడీపీని అడ్డుకోవడానికి కర్ర పట్టుకుంటే మేము ఎదురు వస్తామంటూ వార్నింగ్ ఇచ్చారు చంద్రబాబు. పులివెందుల వేదికగా.. ఏపీ రాజధాని పై చంద్రబాబు కీలక వ్యాఖ్యలు చేసారు.రాష్ట్రానికి రాజధాని లేకుండా చేశారంటూ మండిపడ్డారు. పులివెందుల ప్రజలు నాలుగు గంటల్లోనే వచ్చి వెళ్లేలా అమరావతి ఉంటే కాదని.. ఎక్కడో ఉన్న విశాఖ వెళ్లాలా అని ప్రశ్నించారు చంద్రబాబు.

అమరావతి రాజధాని అంటూ జనాలతో నినాదాలు చేయించారు. చంద్రబాబు పులివెందుల పర్యటనకు ముందు టెన్షన్ నెలకొంది. వైసీపీ టీడీపీ కార్యకర్త మధ్య తోపులాట జరిగింది. చంద్రబాబు పర్యటన నేపథ్యంలో టీడీపీ ర్యాలీ నిర్వహించింది. ఈ తరుణంలో టీడీపీ కార్యకర్తలు వైసీపీ నేతల కారును అడ్డుకున్నారు.  దీంతో పరిస్థితి కాస్త ఉద్రిక్తంగా మారింది. పోలీసులు కూడా ఎంట్రీ ఇచ్చారు. ఇరు వర్గాలను సముదాయించారు.