నెపోటిజంపై విజయ్ దేవరకొండకు స్ట్రాంగ్ కౌంటర్ ఇచ్చిన బండ్లన్న?

టాలీవుడ్ ప్రముఖ నటుడు, నిర్మాత బండ్ల గణేష్ గురించి రెండు తెలుగు రాష్ట్రాల ప్రజలకు తెలుసు. ఒకప్పుడు సినిమా ఫంక్షన్ల వేదికలపై మాట్లాడిన స్పీచ్ లు గుర్తుకు వచ్చేవి. ఇప్పుడైతే రాజకీయాల్లో మాట్లాడిన మాటలు గుర్తుకు వస్తాయి. రాజకీయాల్లోకి దిగి, కోటలు దాటే మాటలతో నవ్వుల పాలయ్యాడు. బండ్ల గణేష్ కాస్త, బ్లేడు గణేష్ అనే స్థాయికి దిగజారి పోయాడు. తన మనసుకు ఏది అనిపిస్తుందో అది ముఖం మీదనే చెప్పేస్తాడు బండ్ల.

Also Read: సర్కార్ వారి పాటలో ఈ మిస్టేక్ ను గమనించారా? ఇంత చిన్న లాజిక్ ఎలా మిస్ అయ్యారు అబ్బా!

తాజాగా బండ్ల గణేష్ పోస్ట్ చేసిన ట్వీట్ నెట్టింట వైరల్ గా మారింది. హీరో విజయ్ దేవరకొండ లైగర్ ట్రైలర్ రిలీజ్ ఈవెంట్ లో నెపోటిజం పై షాకింగ్ కామెంట్స్ చేసిన విషయం తెలిసింది. ” మీకు మా అయ్య తెలవదు, మా తాత తెలవదు,ఎవడు తెలవదు, రెండేళ్లు అవుతుంది సినిమా రిలీజ్ అయి, ఆ ముందు రిలీజ్ అయిన సినిమా పెద్దగా చెప్పుకునే సినిమా కూడా కాదు. అయినా ట్రైలర్ కి ఈ రచ్చేంది రా నాయనా” అంటూ మాస్ స్పీచ్ ఇచ్చాడు విజయ్.

తాజాగా ఈ వివాదం పైనే బండ్ల గణేష్ ట్వీట్ చేసినట్లు తెలుస్తోంది. ” తాతలు, తండ్రులు ఉంటే సరిపోదు టాలెంట్ కూడా ఉండాలి. ఎన్టీఆర్ లా, మహేష్ బాబు లా, రామ్ చరణ్ లా, ప్రభాస్ లా గుర్తుపెట్టుకో బ్రదర్” అంటూ ట్వీట్ చేశాడు. ఇక ఈ ట్వీట్ కచ్చితంగా రౌడీ హీరో కే కౌంటర్ అంటూ అభిమానులు చెప్పుకొస్తున్నారు.

తాతలు తండ్రులు ఉంటే సరిపోదు టాలెంట్ కూడా ఉండాలి ఎన్టీఆర్ ల మహేష్ బాబు లా రామ్ చరణ్ లా ప్రభాస్ లా గుర్తుపెట్టుకో బ్రదర్ 🔥🔥🔥🔥 @AlwaysRamCharan @tarak9999 @urstrulyMahesh 🐅🐅🐅🐅

— BANDLA GANESH. (@ganeshbandla) July 22, 2022

Read Also : ఉదయ్ కిరణ్ తో మల్టీస్టారర్ మూవీ..నో చెప్పిన తరుణ్.. ఆ సినిమా ఏంటంటే..?