బీజేపీలోకి చికోటి ప్రవీణ్.. కీలక నేతలతో చర్చలు..!

క్యాసినో కింగ్ చికోటి ప్రవీణ్ మరోసారి వార్తల్లో నిలిచారు. ఈయన క్యాసినో గేమ్స్ ని నిర్వహించడం ద్వారా చాలా ఫేమస్ అయ్యారు. ఇటీవలే బోనాల పండుగ సందర్భంగా ప్రైవేట్ గన్ మేన్లను వెంట తీసుకొని లాల్ దర్వాజా అమ్మవారి దర్శనానికి వెళ్లి మరో వివాదంలో చిక్కుకున్నారు. ఆ కేసులో ముందస్తు బెయిల్ పై బయటికీ వచ్చారు. 

క్యాసినో కేసులో ఈడీ విచారణ ఎదుర్కొంటున్న చికోటి ప్రవీణ్ గత కొంతకాలంగా రాజకీయాల్లో వస్తాడని ప్రచారం జరుగుతుంది. అదేకాదు.. హిందుత్వం అనేది తన రక్తంలో ఉందని.. ఒకవేళ పొలిటికల్ గా వెళ్తే తాను బిజేపీలోనే జాయిన్ అవుతానని ఆ మధ్య కామెంట్స్ కూాడా చేశారు చికోటి. తాజాగా చికోటి ఢిల్లీలో బీజేపీ కీలక నేతలను కలవడం ఇప్పుడు సంచలనంగా మారింది. గురువారం ఢిల్లీలో బండి సంజయ్, డీకే అరుణ, జయసుధను కలిశారు. ఇందుకు సంబంధించిన ఫొటోలు సోషల్ మీడియాలో తెగ వైరల్ అవుతున్నాయి. మరోవైపు చికోటీ త్వరలోనే బీజేపీలో చేరబోతున్నారనే ప్రచారం కూడా జరుగుతుంది. కేసుల నుంచి తప్పించుకునేందుకే ఆయన బీజేపీలో చేరుతున్నట్టు కొంతమంది కామెంట్స్ చేస్తున్నారు.