ధనుష్ టాలీవుడ్ రికార్డు మామూలుగా లేదుగా.. ఎన్ని కోట్లంటే..?

కోలీవుడ్ స్టార్ హీరో ధనుష్ ఇప్పుడు తెలుగులో కూడా స్టార్ హీరోగా మారాడు. ఆయన ఏ సినిమా తీసిన అది సంచలనంగా మారుతుంది. ప్రస్తుత కాలానికి అనుగుణంగా మెసేజ్ ఓరియెంటెడ్ సినిమాలు తీయడంలో ధనుష్ దిట్ట అని చెప్పవచ్చు. అలాంటి ధనుష్ తమిళ భాషలో తొలిసారి చేసిన బైలింగ్వల్ మూవీ సార్.. తమిళ్లో వాతి పేరుతో ఈ చిత్రం విడుదలైంది. టాలీవుడ్ యంగ్ డైరెక్టర్ వెంకీ అట్లూరి ఈ చిత్రాన్ని చాలా అద్భుతంగా డైరెక్ట్ చేశారు.

విద్యను వ్యాపారంగా మార్చుతున్న వారిపై ఓ సాధారణ లెక్చరర్ గా సాగించిన పోరాటం నేపథ్యంలో ఈ సినిమా అద్భుతంగా తెరకెక్కింది. ఈ చిత్రంలో ధనుష్ కి జోడిగా మలయాళ బ్యూటీ భీమ్లా నాయక్, బిబిసారా వంటి సినిమాల్లో నటించి మెప్పించిన సంయుక్త మీనన్ హీరోయిన్ గా నటించింది. అంతేకాకుండా హైపర్ ఆది, సముద్ర కని, తనికెళ్ల భరణి ఈ సినిమాలో ప్రత్యేకమైన పాత్రలు నటించారు. అంతేకాకుండా అక్కినేని హీరో సుమంత్ కూడా ముఖ్యపాత్రలో చేశారని చెప్పవచ్చు.

అయితే ఈ మూవీ ధనుష్ కెరియర్ లోనే బిగ్గెస్ట్ హిట్టుగా రికార్డు క్రియేట్ చేస్తోంది. ప్రపంచవ్యాప్తంగా ఇప్పటికే 80 కోట్ల దాకా కలెక్షన్స్ రాబట్టింది. త్వరలోనే 100 కోట్ల క్లబ్లో చేయడం ఖాయమని ధనుష్ అభిమానులు కామెంట్లు పెడుతున్నారు. ఇప్పటికీ మూవీ థియేటర్లలో కలెక్షన్స్ వర్షం కురిపిస్తోంది. ఈ మూవీతో ధనుష్ తెలుగులో రికార్డు క్రియేట్ చేశాడు. తెలుగులో 30 కోట్ల గ్రాస్ అందుకున్న మరో తమిళ హీరోగా రికార్డు సొంతం చేసుకున్నాడు. ఇప్పటివరకు ఈ రికార్డును కమలహాసన్, రజినీకాంత్, సూర్య, లారెన్స్, విక్రం వంటి స్టార్లు మాత్రమే అందుకోగా ధనుష్ కూడా ఆ క్లబ్ లో చేరిన తమిళ హీరోగా గుర్తింపు సాధించాడు.