Advertisement
విక్టరీ వెంకటేష్ – మీనా జంటగా నటించిన సస్పెన్స్ థ్రిల్లర్ మూవీ దృశ్యం. 2014 జూలై 11న విడుదలైన ఈ చిత్రం ఎంతటి ఘనవిజయాన్ని సాధించిందో ప్రత్యేకంగా చెప్పనక్కర్లేదు. ఈ మూవీ సీక్వెల్ సైతం సూపర్ డూపర్ హిట్ గా నిలిచింది. శ్రీ ప్రియ దర్శకత్వం వహించిన ఈ సినిమాని దగ్గుపాటి సురేష్ బాబు, నిర్మాత రాజ్ కుమార్ సేతుపతి సంయుక్తంగా నిర్మించారు. మీనా, నరేష్, నదియా, కృతిక, ఎస్తర్ అనిల్ ఈ చిత్రంలో కీలక పాత్రలలో నటించారు. అయితే ఈ చిత్రంలో వెంకటేష్ పెద్ద కూతురుగా నటించిన హీరోయిన్ ఎవరో మీకు తెలుసా..?
ఈ బ్యూటీ తెలుగులో నటించింది తక్కువ సినిమాలే. క్లాసికల్ డాన్సర్ అయిన ఈ హీరోయిన్ మరెవరో కాదు కృతిక జయకుమార్. 1997 ఏప్రిల్ 30వ తేదీన బీఆర్ జయ కుమార్, పద్మిని దంపతులకు కర్ణాటకలోని బెంగళూరులో జన్మించింది కృతిక. అక్కడే హై స్కూల్ లో పాఠశాల విద్యను పూర్తి చేసి మౌంట్ కార్మెల్ కళాశాలలో డిగ్రీ పూర్తి చేసింది. ఏడేళ్ల వయసు నుంచి భరతనాట్యం చేయడం ప్రారంభించింది కృతిక. బెంగళూరులోని గురు శ్రీ విద్య శ్యామ్ ఆధ్వర్యంలో శిక్షణ పొందింది. అలా ఓసారి తిరువనంతపురంలో ఒక ప్రదర్శన ఇచ్చినప్పుడు మలయాళ చిత్ర దర్శకుడు బాల కిరియాత్ చూసి సినిమా రంగంలోకి రావాలని సూచించారు.
ఆ తరువాత ఆడిషన్ ద్వారా మలయాళ చిత్రం దృశ్యం, తెలుగు రీమేక్ దృశ్యం సినిమాలో వెంకటేష్ కుమార్తె పాత్రకు ఎంపికైంది. ఈ సినిమా ద్వారా మంచి గుర్తింపుని తెచ్చుకుంది కృతిక. ఆ తర్వాత కన్నడలో బాక్సర్ అనే సినిమాలో లక్ష్మిగా, తెలుగులో వినవయ్యా రామయ్య చిత్రంలో జానకిగా, అల్లరి నరేష్ ఇంట్లో దయ్యం నాకేం భయం సినిమాలో ఇందుమతిగా నటించి మెప్పించింది. కానీ ఆ తర్వాత ఈమెకు పెద్దగా అవకాశాలు తలుపు తట్టలేదు. ఇక 2021లో మళ్లీ దృశ్యం సీక్వెల్ తో ప్రేక్షకులను పలకరించింది.
Advertisement