రజనీకాంత్ భాష సినిమాకు బాలయ్య ఎందుకు నో చెప్పారో తెలుసా..?

సౌత్ ఇండియన్ సూపర్ స్టార్ రజినీకాంత్ కెరీర్ లో ఎన్నో సూపర్ డూపర్ హిట్ సినిమాలు ఉన్నాయి. అందులో రజనీకాంత్ స్టార్ డమ్ ను అమాంతం పెంచిన మూవీ భాష. మాఫియా బ్యాక్ డ్రాప్ లో, ఫ్లాష్ బ్యాక్ లతో కొత్త ట్రెండ్ సెట్ చేసింది భాషా చిత్రం. ఈ సినిమా వచ్చి ఎన్నో ఏళ్లు గడుస్తున్నా ఇప్పటికీ టీవీలో వస్తే మిస్ కాకుండా చూసే ప్రేక్షకులు ఉన్నారంటే అతిశయోక్తి కాదు. ఈ చిత్రానికి సురేష్ కృష్ణ దర్శకత్వం వహించారు. ఈ సినిమాలో రజనీకి జోడిగా అందాల నటి నగ్మా నటించింది.

Read also: రాజమౌళి నటించిన ఒకేఒక ప్లాప్ సినిమా ఎదో తెలుసా ?

మొదట తమిళంలో ఈ సినిమాని తెరకెక్కించారు. ఆ తర్వాత తెలుగులో మరో హీరోతో రీమేక్ చేయాలని సురేష్ కృష్ణ అనుకున్నారు. ఈ నేపథ్యంలోనే హైదరాబాదులో హీరోల కోసం స్పెషల్ షో కూడా వేశారు. ఈ సినిమాను సురేష్ కృష్ణ చిరంజీవి లేదా బాలకృష్ణతో రీమేక్ చేయాలని భావించారట. బాలకృష్ణ అయితే ఈ క్యారెక్టర్ కు బాగా సెట్ అవుతారని సురేష్ కృష్ణ అనుకున్నారు. దాంతో బాలకృష్ణను సురేష్ కృష్ణ సంప్రదించారట. అయితే బాలయ్య ముందు నుంచి రీమేక్ సినిమాలపై పెద్దగా ఆసక్తి చూపించేవారు కాదు. భాషలో హీరోయిజం బాగా ఉన్నా.. రీమేక్ చేసేందుకు ఆయన ఆసక్తి చూపకపోవడంతో అలా బాలయ్య భాషా సినిమా మిస్ అయ్యారు.

అలా చాలా ఏళ్లపాటు రీమేక్ సినిమాలు చేసేందుకు ఆసక్తి చూపని బాలయ్య 2004లో కోలీవుడ్ లో విక్రమ్ హీరోగా తెరకెక్కిన సామి సినిమాకు రీమేక్ గా తెలుగులో జయంత్ దర్శకత్వంలో వచ్చిన లక్ష్మీనరసింహ సినిమాలో నటించి సూపర్ డూపర్ హిట్ కొట్టిన విషయం మనకు తెలిసిందే. తెలుగులో భాష సూపర్ డూపర్ హిట్ కావడంతో రజిని మార్కెట్ ఇక్కడ కూడా తిరుగులేని విధంగా దూసుకుపోవడానికి కారణమైంది. ఏదేమైనా బాలయ్య లాంటి మాస్ ఇమేజ్ ఉన్న హీరో భాషా సినిమా రీమేక్ లో నటించి ఉంటే బాలయ్య కెరీర్ లోనే ఎప్పటికీ నిలిచిపోయే సినిమాల్లో ఒకటిగా మిగిలిపోయేది.

Read also: వీరసింహ రెడ్డి సినిమా విజయానికి “పరిటాల రవికి” ఉన్న లింక్ ఏంటో తెలుసా