ఏపీలో బాబుల పంచాయితీ..!

ఆంధ్రాలో వైసీపీ, జనసేన మధ్య వార్ ఓ రేంజ్ లో జరుగుతోంది. మరీ ముఖ్యంగా కాపు నేతల మధ్య మాటల యుద్ధం కొనసాగుతోంది. పవన్ రెండు మాటలు అంటే చాలు.. వరుసబెట్టి వైసీపీలోని కాపు నాయకులు మీడియా ముందుకొచ్చి తీవ్రంగా రియాక్ట్ అవుతున్నారు. ఇటు జనసేన నుంచి కూడా కౌంటర్ దాడి కొనసాగుతోంది. ఈక్రమంలోనే మంత్రి అంబటి రాంబాబును ఆటపట్టించే ప్రయత్నం చేశారు జనసేన నేత, నటుడు నాగబాబు.

సంక్రాంతి సంబరాల్లో భాగంగా భోగి రోజున హుషారైన డ్యాన్స్ తో అలరించారు మంత్రి అంబటి. సత్తెనపల్లిలో కొందరు కళాకారులతో కలిసి కాలు కదిపారు. దీనికి సంబంధించిన వీడియోలు నెట్టింట వైరల్ అయ్యాయి. దానిపై నాగబాబు స్పందించారు. ట్విట్టర్ లో వ్యంగ్యంగా కామెంట్ చేశారు.

నాగబాబు ట్వీట్

‘‘సంబరాల రాంబాబు గారు మీరు డ్యాన్స్ మహత్తరంగా చేసారు… పోలవరం పూర్తి చేసి డ్యాన్స్ చేసి వుంటే ఇంకా మహత్తరంగా వుండేది!’’

నాగబాబు ట్వీట్ పై అంబటి రాంబాబు రియాక్ట్ అయ్యారు. ఆయన ఒక ఒకటి చేస్తే.. రాంబాబు వరుసగా రెండు ట్వీట్లు చేశారు.

రాంబాబు కౌంటర్ ట్వీట్స్

1. ‘‘పోలవరం మేమే పూర్తి చేస్తాం! చంద్రబాబు, పవన్ బాబు, నాగబాబుతో డాన్స్ చేయిస్తాం!’’

2. ‘‘నువ్వు, మీతమ్ముడు అన్నట్టు “సంబరాల రాంబాబు”నే ! కానీ.. ముఖానికి రంగు వేయను, ప్యాకేజీ కోసం డాన్స్ చేయను!’’

ఇలా తనదైన రీతిలో మంత్రి స్పందించారు. వీరిద్దరి ట్వీట్స్ తో ఇరు పార్టీలకు చెందిన కార్యకర్తలు కూడా ఎంటర్ అయ్యారు. సోషల్ మీడియాలో ఇష్టం వచ్చినట్లు కామెంట్స్ పెడుతున్నారు.