Advertisement
2024 ఎన్నికల్లో అధికారమే లక్ష్యంగా పావులు కదుపుతున్నారు జనసేన అధ్యక్షుడు పవన్ కళ్యాణ్. ఓవైపు ప్రభుత్వ వైఫల్యాలను ఎండగడుతూ.. ఇంకోవైపు పార్టీని జనాల్లోకి తీసుకెళ్తున్నారు. త్వరలో ఏపీవ్యాప్తంగా బస్సు యాత్ర నిర్వహించనున్నారు. దీనికోసం ఏర్పాట్లు చకచకా జరిగిపోతున్నాయి. ఇప్పటికే పవన్ ప్రచార రథం వారాహి సిద్ధమైంది. రిజిస్ట్రేషన్ కూడా పూర్తయింది.
Advertisement
వారాహితోపాటు ప్రచారం కోసం ప్రత్యేకంగా ఆరు వాహనాలను పార్టీ తరఫున కొనుగోలు చేశారు పవన్. వాటికి కూడా రిజిస్ట్రేషన్ పనులు పూర్తి చేశారు. ఈ వాహనాల రిజిస్ట్రేషన్ కోసం ఖైరతాబాద్ ఆర్టీఏ కార్యాలయానికి వెళ్లారు పవన్. అక్కడ డీటీసీ పాపారావుతో పాటు ఇతర సిబ్బంది జనసేనానికి స్వాగతం పలికారు. నిబంధనల ప్రకారం ఫొటోలు ఇచ్చి అన్నీ పూర్తి చేసి ఆరు వాహనాలకు పవన్ రిజిస్ట్రేషన్ చేయించారు.
వారం రోజుల క్రితమే స్లాట్ బుక్ చేయగా.. గురువారం సాయంత్రం వాటి రిజిస్ట్రేషన్ పూర్తి అయింది. ఆరు వాహనాల్లో 2 స్కార్పియోలు, 2 జీపులు, 2 టయోటా ఫార్య్చునర్లు ఉన్నాయి. వీటికి అధికారులు నెంబర్లను కూడా కేటాయించారు. ఈ సందర్భంగా అధికారులు పవన్ ధన్యవాదాలు తెలిపారు.
పవన్ కాన్వాయ్ వాహనాల నెంబర్లు ఇవే..!
స్కార్పియోలు(2)
టీఎస్ 09 యూడీ 8555
టీఎస్ 09 ఎఫ్ జెడ్ 3839
జీపులు(2)
టీఎస్ 09 ఎఫ్ జెడ్ 4568
టీఎస్ 09 ఎఫ్ జెడ్ 4334
Advertisement
టయోటా ఫార్య్చునర్లు(2)
టీఎస్ 09 ఎఫ్ డబ్ల్యూ 0670
టీఎస్ 09 ఎఫ్ వై 0670