"కొమ్మ ఉయ్యాల" పాట పాడిన ఈ చిన్నారి ఎవరో తెలుసా..?

ప్రపంచాన్ని ఆర్ ఆర్ ఆర్ మూవీ ఎంత ఆకట్టుకుందో చెప్పాల్సిన పనిలేదు. టాలీవుడ్ సక్సెస్ఫుల్ డైరెక్టర్ రాజమౌళి… ఈ సినిమాను తెరకెక్కించ గా… ఎన్టీఆర్ మరియు రాంచరణ్ హీరోలుగా నటించారు. ఈ సినిమా విడుదలైన అప్పటి నుంచి ఈ కలెక్షన్ల వర్షం కురుస్తూనే ఉంది. ఇటీవలే బాలీవుడ్ లో వందకోట్ల క్లబ్ లో కి చేరి.. బాలీవుడ్ సినీ విశ్లేషకులను సైతం ఆశ్చర్యంలో ముంచెత్తింది. ఈ సినిమా ఎంత విజయం సాధించిందో.. పాటలు అంతే విజయాన్ని సాధించాయి.

ముఖ్యంగా ఈ సినిమాలోని కొమ్మ ఉయ్యాలో కోన జంపలో అనే పాట ప్రేక్షకులను విపరీతంగా మంత్రముగ్ధులను చేసింది. ఈ సినిమాలో మల్లి అనే గిరిజన పాప ఈ పాటను ఆలపిస్తుంది. సినిమాకు ముందు ఈ పాటను మేకర్స్ విడుదల చేయలేదు. థియేటర్ కు వెళ్ళిన ప్రేక్షకులకు సర్ప్రైజ్ గా ఈ పాటను విపరీతంగా నచ్చేసింది.

దీంతో ఈ పాట లిరికల్ సాంగ్ ను విడుదల చేయాలని ప్రేక్షకులు సోషల్ మీడియా ద్వారా కోరుతున్నారు. ఈ పాట పాడింది ఎవరా అని గూగుల్లో సెర్చ్ చేస్తున్నారు. అయితే ఈ పాటను పాడిన చిన్నారి గాయని పేరు ప్రకృతి రెడ్డి. కర్ణాటకలోని బళ్ళారి లో పుట్టిన ప్రకృతి కన్నడతో పాటు తెలుగు, తమిళం, హిందీ భాషలలో పాటలు పాడుతుంది. బుల్లితెరపై ప్రసారమయ్యే పలు సింగింగ్ రియాల్టీ షోలలో కూడా ఈమె పాల్గొంది.