రవి తేజ గారు మీరు కూడా ఇలాంటి డైలాగ్స్ చెప్పడం ఏంటి ? "రావణాసుర" ట్రైలర్ లో ఈ డైలాగ్స్ ని గమనించారా ?

సుధీర్ వర్మ దర్శకత్వంలో మాస్ మహారాజ్ రవితేజ నటించిన కొత్త చిత్రం “రావణాసుర”. వచ్చే నెలలో థియేటర్లలో విడుదల కానున్న ఈ చిత్రానికి సంబంధించిన టీజర్ ను సోమవారం రిలీజ్ చేశారు. అభిషేక్ నామ, రవితేజ కలిసి ఈ చిత్రాన్ని నిర్మిస్తున్నారు. హర్షవర్ధన్, బీమ్స్ కలిసి సంగీతం అందించారు. ఈ చిత్రం టీజర్ ను తాజాగా రిలీజ్ చేశారు. ఎంతో ఈగర్ గా వెయిట్ చేస్తూ వచ్చిన ఫ్యాన్స్ కు ఈ టీజర్ అదిరిపోయేలా చేసింది. అదే సమయంలో ట్రైలర్ పై విమర్శలు కూడా వస్తున్నాయి.

ఇందుకు కారణం లేకపోలేదు. ఈ సినిమాలో హిందువులు దైవంగా భావించే సీతమ్మ వారిపై డైలాగ్ ఉండటమే. ఈ సినిమాలో ‘సీతను చేరుకోవాలంటే సముద్రాన్ని దాటితే సరిపోదు, ఈ రావణాసురుడిని దాటాలి’ అన్న డైలాగ్ ఉంటుంది. ఈ డైలాగ్ ను రవితేజ చెబుతాడు. డైలాగ్ సీతమ్మవారిని తక్కువ చేసే విధంగా ఉండటంతో నేటిజన్లు ఆగ్రహం వ్యక్తం చేస్తున్నారు. సినిమా కోసం ఆ మహాతల్లి జీవితంలోని విషాద ఘట్టాన్ని వాడుకోవడం ఏంటని మండిపడుతున్నారు.

రావణాసురుడి బలాన్ని చెప్పడం కోసం సీతమ్మను తక్కువ చేసి చూపాలా అంటూ ప్రశ్నిస్తున్నారు. సోషల్ మీడియా వేదికగా చిత్రబృందంపై విరుచుకుపడుతున్నారు. సినిమా పేరు రావణాసుర అని పెట్టి, నెగిటివ్ షేడ్స్ ఉన్న హీరో క్యారెక్టర్ ను ఎలివేట్ చేయడానికి ఆ సందర్భంగా సీతమ్మను తెరపైకి తేవటం బాగోలేదంటూ ఆగ్రహం వ్యక్తం చేస్తున్నారు. రావణాసురుడి బలం గురించి చెప్పాలంటే రామాయణంలో కొన్ని వందల సంఘటనలు ఉన్నాయని, వాటిని కాదని సీతమ్మవారికి సంబంధించిన సంఘటనలు ఉపయోగించడం బాధాకరమన్నారు.