'నీ అందం తగ్గిందంటూ' ట్రోల్ చేసిన మిం పేజ్ పోస్ట్ కి సమంత ఇచ్చిన రిప్లై అదుర్స్ !

టాలీవుడ్ స్టార్ హీరోయిన్ గా గుర్తింపు తెచ్చుకున్న సమంత గురించి ప్రత్యేకంగా పరిచయం చేయవలసిన అవసరం లేదు. నాగచైతన్య హీరోగా చేసిన ఏ మాయ చేసావే చిత్రంతో తెలుగు తెరకు పరిచయమైంది సమంత. మొదటి సినిమాతోనే మంచే విజయాన్ని అందుకొని వరుస ఆఫర్లతో తెలుగులో నెంబర్ వన్ హీరోయిన్ స్థానానికి ఎదిగింది. ఎలాంటి బ్యాగ్రౌండ్ లేకుండా ఇండస్ట్రీలోకి ఎంట్రీ ఇచ్చి తన
నటన, టాలెంట్ తో స్టార్ హీరోయిన్ గా ఎదిగింది. అయితే నాగచైతన్యతో విడాకుల తర్వాత మయోసైటిస్ అనే వ్యాధి బారిన పడింది. దీనిపై ఆమె ఇటీవల ప్రకటించింది.

ఇక సోమవారం జరిగిన టైలర్ లాంచ్ ఈవెంట్లో సమంత నటించిన శాకుంతలం ట్రైలర్ విడుదల అయింది. ఈ కార్యక్రమంలో దర్శకుడు గుణశేఖర్ తో పాటు సమంత కూడా ఎమోషన్ అయ్యారు. గుణశేఖర్ కండతడి పెట్టుకోగా, సమంత కన్నీళ్లు పెట్టుకున్నారు. ప్రస్తుతం సమంత కన్నీళ్లు పెట్టుకునే వీడియో సోషల్ మీడియాలో వైరల్ గా మారింది. కేవలం ఈ వీడియో పైనే కాదు, ఆమె శరీరంలో వచ్చిన మార్పుల గురించి కూడా నెట్టింట కామెంట్లు రావడం మొదలయ్యాయి.

బజ్ బాస్ బాస్కెట్ అనే ట్విట్టర్ ఖాతా ఈ విధంగా రాసుకొచ్చింది. “సమంతను చూస్తే జాలేస్తోంది. ఆమె తన అందాన్ని కోల్పోయింది. ఆమె విడాకుల నుంచి బయటపడి వృత్తిలో ఎదుగుతుందని అనుకుంటున్నా సమయంలో మయూసైటిస్ ఆమెపై దారుణంగా దాడి చేసింది. ఆమెను మరోసారి బలహీనురాలిని చేసింది” అని అంది. ఈ పోస్ట్ పై సమంత స్పందించారు. ఆమె తన ట్వీట్ లో, “నాలాగా మీరు నెలల పాటు చికిత్స, మందుల పాలు కాకూడదని దేవుడిని ప్రార్థిస్తున్నా. మీరు బాగుండాలని కోరుకుంటూ నా వైపు నుంచి కొంత ప్రేమను పంపిస్తున్న” అని పేర్కొన్నారు. సమంత ఇచ్చిన రిప్లై కి ఆమె ఫ్యాన్స్ తో పాటు నెటిజెన్లు సైతం ఫుల్ ఖుషి అవుతున్నారు.