సోషల్ మీడియాలో వైరల్ అవుతున్న సమంత 10th క్లాస్ మార్క్స్ లిస్ట్.. వామ్మో ఇన్ని తప్పులా..?

సినీ ప్రముఖుల జీవితాలకు సంబంధించి మనకు తెలియని ఎన్నో ఆసక్తికరమైన విషయాలు ఉంటాయి. వాటికి తెలుసుకోవాలని చాలామంది ఆసక్తి చూపిస్తూ ఉంటారు. అందులో ఒకటి సినీ తారల చదువు విషయం. చాలామంది తారలకు చదువు అబ్బక సినిమాలోకి ఎంట్రీ ఇచ్చారని అనుకుంటారు. కానీ సినీ పరిశ్రమలోకి ఎంట్రీ ఇచ్చిన వారిలో కూడా చదువులో రాణించిన వాళ్ళు ఎంతోమంది ఉన్నారు. మరి కొంతమంది తారలు ఓవైపు చదువుని పూర్తి చేస్తూనే మరోవైపు సినిమాలలో రాణిస్తున్నారు. అయితే ఇప్పుడు ఓ స్టార్ హీరోయిన్ కు సంబంధించిన మార్కుల లిస్టు సోషల్ మీడియాలో వైరల్ గా మారింది.

ఆ స్టార్ హీరోయిన్ ఎవరో కాదు సమంత రూత్ ప్రభు. 2010లో గౌతమ్ మీనన్ రూపొందించిన “ఏ మాయ చేసావే” సినిమా ద్వారా ఎంట్రీ ఇచ్చి అందరిని మాయ చేసిన సమంత ఎన్నో హిట్ సినిమాలలో నటించింది. ఈమె నటనలోనే కాదు చదువులోనూ ముందుంది. తాజాగా సమంతకు చెందిన పదవ తరగతి మార్కుల లిస్టు సోషల్ మీడియాలో వైరల్ గా మారింది. ఇది చూసిన నటిజెన్లు సమంత ఇంత బాగా చదువుతుందా అని ముక్కున వేలేసుకుంటున్నారు. ఈ మార్కుల రిపోర్టులో సమంత చెన్నైలోని సిఎస్ఐ సెయింట్ స్టీఫెన్స్ మెట్రిక్యులేషన్ స్కూల్లో జరిగింది.

మార్కుల విషయానికి వస్తే ఇంగ్లీష్ పేపర్ – 1 లో 90, పేపర్ – 2 లో 74 మార్కులు సాధించినట్లు ఉంది. ఇక మ్యాథ్స్ సబ్జెక్టులో 100కు 100 మార్కులు, ఫిజిక్స్ లో 90 కంటే ఎక్కువ, హిస్టరీలో 91 మార్కులు వేసి ఉన్నాయి. అయితే ఈ రిపోర్ట్ ని జాగ్రత్తగా గమనిస్తే ఇందులో ఫిజిక్స్ లో 50 మార్కులకి 95, బోటనీలో 50 మార్కులకు 84 వేసి ఉన్నాయి. మరి ఇలా అన్ని మార్కులు ఎలా వేశారో ఆ టీచర్లకే తెలియాలి. ఇది ఫేక్ అని చాలామంది అనుకున్నప్పటికీ స్వయంగా సమంతనే తన ఇంస్టాగ్రామ్ లో పోస్ట్ చేసింది. ఈ రిపోర్టు చూసిన నెటిజన్లు అందులోని తప్పులను గుర్తించి సమంతని ట్రోల్ చేస్తున్నారు.