ప్రధాని మోడీ కి రెండవ తరగతి చిన్నారి రాసిన క్యూట్ లెటర్ ! అందులో ఏముంది ? మోడీ ఎలా రిప్లై ఇచ్చారంటే?

ప్రధానమంత్రి నరేంద్ర మోడీ ఇటీవలే తన మాతృమూర్తిని కోల్పోయారు. హీరాబేన్ మృతి పట్ల దేశవిదేశాల ప్రముఖులు సంతాపం తెలియజేశారు.

కాగా, బెంగళూరుకు చెందిన ఓ రెండో తరగతి చిన్నారి హిరాబెన్ మృతికి సంతాపం తెలియజేస్తూ మోడీకి లేఖ రాశారు. ఆ చిన్నారి లేఖ మోడీ మనసును తాకింది. అతడి హృదయపూర్వక ఓదార్పుతో భావోద్వేగానికి గురైన ప్రధాని ఆ చిన్నారికి కృతజ్ఞతలు తెలుపుతూ లేఖపంపారు.

బెంగళూరుకు చెందిన రెండో తరగతి విద్యార్థి ఆరుష్ శ్రీవాత్స గతేడాది డిసెంబర్ 30న ప్రధానికి ఈ లేఖ పంపాడు. “మీ ప్రియమైన అమ్మ హీరాబెన్ (100) తుదిశ్వాస విడిచారు. మిమ్మల్ని టీవీలో చూసి నాకు బాధగా అనిపించింది. నా ప్రగాఢ సానుభూతిని అంగీకరించండి. ఆమె ఆత్మకు శాంతి కలగాలి. ఓం శాంతి” అని ఆ చిన్నారి లేఖలో పేర్కొన్నారు.

ఈ రేఖకు జనవరి 25న మోడీ బదులిచ్చారు. నీ హృదయపూర్వక సంతాపానికి నేను కృతజ్ఞతలు తెలియజేస్తున్నా. తల్లిని కోల్పోవడం అనేది తీర్చలేని లోటు. ఆ బాధను మాటల్లో చెప్పలేము. నీ చిన్నారి మనసు నాకోసం ప్రార్థించినందుకు ధన్యవాదాలు. ఆ బాధ నుంచి బయటపడేందుకు ఇలాంటి చర్య నాకు ధైర్యాన్ని, బలాన్ని ఇస్తుంది. నీకు మరోసారి కృతజ్ఞతలు తెలియజేస్తున్నా” అని మోడీ ఆ చిన్నారికి లేఖ రాశారు.