వారసుడు సినిమాలో ఆమెని తొలగించడానికి కారణం..?

తమిళ స్టార్ హీరో విజయ్ దళపతి – నేషనల్ క్రష్ రష్మిక మందన్న జంటగా నటించిన తాజా చిత్రం వారిసు. తెలుగులో వారసుడు పేరుతో జనవరి 11న విడుదల కావలసిన ఈ చిత్రం వాయిదాపడి జనవరి 14న విడుదలైన సంగతి తెలిసిందే. ఈ చిత్రం విడుదలైన తొలి షో నుంచి మంచి హిట్ టాక్ సొంతం చేసుకుంది. ఈ చిత్రంలో తెలుగు నటులు జయసుధ, శ్రీకాంత్ లు కీలకపాత్రలలో కనిపించారు. అయితే ఈ సినిమాలో ప్రముఖ స్టార్ హీరోయిన్ మిస్ అవడం ఇప్పుడు చర్చనీయాంశంగా మారింది. ఆమె ఎవరంటే.. ఈ సినిమా ముందు నుంచి వచ్చిన అప్డేట్ ప్రకారం ప్రముఖ నటి ఖుష్బూ సుందర్ ఈ చిత్రంలో ఓ కీలక పాత్ర పోషిస్తుంది అన్న సంగతి తెలిసిందే.

ఈ మూవీ షూటింగ్ సమయంలో కూడా మనకు ఆమె విజువల్స్ మనకి కనిపించాయి. కానీ ఈ సినిమా విడుదలైన తరువాత కుష్బూ చిత్రంలో ఎక్కడా కనిపించలేదు. దీంతో సినిమాలో కుష్బూ పాత్ర ఏమిటి? ఆమె పాత్రను ఎందుకు లేపేశారు? అని అభిమానులు ఆరా తీస్తున్నారు. తమిళ్ మీడియా సర్కిల్స్ లో కుష్బూ ను నటింపజేసిన పాత్రను ఆ తర్వాత జయసుధ తో రీప్లేస్ చేసినట్లుగా కూడా ప్రచారం జరుగుతుంది. వాస్తవానికి తమిళ్ ప్రేక్షకులకు కుష్బూ అంటే విపరీతమైన అభిమానం.

దీంతో ఆమెను సినిమాలోంచి ఎందుకు తొలగించారని సోషల్ మీడియా వేదికగా కొందరు నేటిజెన్లు చిత్ర బృందాన్ని ప్రశ్నిస్తున్నారు. కుష్బూ ని విజయ్ కి తల్లి పాత్ర కోసమే ఎంపిక చేసి ఉంటారని, ఆఖరి క్షణంలో ఆమెను తొలగించి జయసుధను ఎంపిక చేసి ఉండొచ్చని సమాచారం. ఏది ఏమైనా ఓ ఇమేజ్ ఉన్న హీరోయిన్ పాత్రను ఎడిటింగ్ లో పూర్తిగా లేపేయడం ఏమాత్రం పద్ధతి కాదని క్రిటిక్స్ అంటున్నారు. మరి కుష్బూ పాత్రను ఎందుకు తొలగించారో తెలియాలంటే చిత్ర యూనిట్ అఫీషియల్ గా అనౌన్స్ చేసే వరకు వెయిట్ చేయాల్సిందే.