మాస్ రివెంజ్ అంటే ఇదేమో ! తన భార్య ప్రియుడితో వెళ్ళిపోయింది ! రివెంజ్ ఎలా తీర్చుకున్నాడంటే ?

ఇటీవలి కాలంలో వివాహేతర సంబంధాలు పెరిగిపోతున్నాయి. ఆకర్షణకు లోనై తమ నిండు సంసారంలో నిప్పులు పోసుకుంటున్నారు. తాజాగా ఇలాంటి ఘటనే బీహార్ రాష్ట్రంలోని చౌథామ్ బ్లాక్ హర్దియా గ్రామంలో చోటుచేసుకుంది. పెళ్లికి ముందే మరో వ్యక్తిని ప్రేమించిన మహిళ.. పెళ్లయి నలుగురు పిల్లలు పుట్టిన తర్వాత ప్రియుడితో పరారైంది.

దీంతో ఆమె భర్త చేసిన పని ఏంటో తెలిస్తే షాక్ అవుతారు. పూర్తి వివరాల్లోకి వెళితే.. చౌథామ్ బ్లాక్ లోని హర్దియా గ్రామానికి చెందిన ముఖేష్.. నీరజ్ అనే వ్యక్తి భార్యతో కలిసి పారిపోయాడు. దీంతో ముఖేష్ భార్యతో పరిచయం పెంచుకొని ఆమెను నీరజ్ వివాహం చేసుకున్నాడు.

ప్రియుడితో వెళ్లిపోయిన భార్యకు, నీరజ్ కు అప్పటికే నలుగురు పిల్లలు ఉన్నారు. ముఖేష్ – నీరజ్ భార్యల పేర్లు రూబీయే కావడం గమనార్హం. అయితే నీరజ్ భార్య రూబీకి ముఖేష్ తో పెళ్లికి ముందు నుండే పరిచయం ఉండేది. పెళ్లికి ముందు ఇద్దరు ప్రేమలో ఉండగా.. రూబీ తల్లిదండ్రులు ఆమె ప్రేమకు నిరాకరించి నీరజ్ కు ఇచ్చి వివాహం చేశారు. కానీ రూబీ మాత్రం ముఖేష్ ను మరిచిపోలేకపోయింది. పెళ్లి తర్వాత కూడా సంబంధం కొనసాగించింది. దీంతో ముఖేష్ కు వేరే మహిళతో వివాహం జరిగింది. కానీ గతేడాది ఫిబ్రవరిలో తన ప్రియురాలు రూబీని తీసుకెళ్లి వివాహం చేసుకున్నాడు. అనంతరం ముఖేష్ – రూబీ తన ముగ్గురు పిల్లలను తీసుకుని గ్రామం విడిచి వెళ్లిపోయారు. తన భార్యను తీసుకొని వెళ్ళిపోవడంతో ముఖేష్ పై పస్రాహ పోలీస్ స్టేషన్ లో నీరజ్ కేసు పెట్టాడు.

ఇక కొద్ది రోజుల తర్వాత ఈ విషయం పెద్దల పంచాయితీకి చేరింది. అయితే అక్కడ ముఖేష్ మాత్రం ప్రియురాలిని వదిలిపెట్టడానికి ముఖేష్ ఒప్పుకోలేదు. ఆమెతోనే కలిసి ఉంటానని తిగేసి చెప్పాడు. దీంతో చేసేదేమీ లేక పెద్దలు కూడా వదిలేశారు. దీంతో ముఖేష్ పై ప్రతీకారం తీర్చుకోవాలి అనుకున్న నీరజ్.. ముఖేష్ మొదటి భార్య రూబీ తో పరిచయం పెంచుకొని స్నేహం చేశాడు. ఆమె కూడా నీరజ్ ను అభిమానించడంతో ఇద్దరు కలిసి జీవించాలని భావించారు. ఇక ఫిబ్రవరి 18న వీరిద్దరూ స్థానిక ఆలయంలో వివాహం చేసుకున్నారు. నీరజ్ ప్రైవేటు కంపెనీలో పనిచేస్తుండగా.. ముఖేష్ మాత్రం రోజువారి కూలిగా పనిచేస్తున్నాడు.