పోలీసులు విచారణ లో మరో ట్విస్ట్ ఇచ్చిన నిహారిక ! ఇంకా ఎన్ని నిజాలు దాచిపెట్టారా ?

బీటెక్ స్టూడెంట్ నవీన్ కేసు రెండు తెలుగు రాష్ట్రాలలో ఎంతటి పెను సంచలనం సృష్టించిందో ప్రత్యేకంగా చెప్పనక్కర్లేదు. ఇంజనీరింగ్ విద్యార్థి నవీన్ కేసులో సంచలన విషయాలు వెలుగులోకి వస్తున్నాయి. పోలీసుల విచారణలో విస్తుపోయే అంశాలు తెలుస్తున్నాయి. నవీన్ కేసులో హరిహర కృష్ణతో పాటు అతడి ప్రియురాలు, స్నేహితుడు హసన్ ని పోలీసులు అదుపులోకి తీసుకున్న సంగతి తెలిసిందే. ఈ కేసులో హరిహర కృష్ణ ఇప్పటికే ప్రియురాలు కోసమే నవీన్ ను హత్య చేశానని అంగీకరించాడు. ఇక ఈ కేసులో A3 ముద్దాయిగా ఉన్న నిహారికని కూడా పోలీసులు అరెస్టు చేసిన విషయం తెలిసిందే.

అయితే యువతిని చంచల్ గూడా జైలుకు తరలించారు పోలీసులు. పోలీసుల విచారణలో నిహారిక సంచలన విషయాలను వెల్లడించింది. ఈ కేసుకు సంబంధించి పోలీసులు సమర్పించిన రిమాండ్ రిపోర్టు ద్వారా మరిన్ని కీలక విషయాలు బయటపడ్డాయి. మూడు నెలల క్రితమే నవీన్ హ* కు హరి హర కృష్ణ ప్లాన్ చేసినట్లుగా తేలింది. గెట్ టు గెదర్ పేరుతో జనవరి 16న హ* ప్లాన్ చేయగా.. వీలు కాకపోవడంతో ఫిబ్రవరి 17న ఈ అఘాయిత్యానికి పాల్పడినట్లు వెళ్లడైంది. అయితే ఈ విషయాన్ని అతడి స్నేహితుడితో పాటు ప్రియురాలికి చెప్పినట్లు తెలిసింది. పోలీసులకు లొంగిపోవాలని ఆమె చెప్పినా వినకుండా వరంగల్ వెళ్ళినట్లు వెళ్లడైంది. అయితే తాను, నవీన్ ఇంటర్ నుంచే ప్రేమించుకున్నామని.. తమ ఇంట్లోనే ఇద్దరం కలిసి ఉండే వాళ్ళమని చెప్పింది నిహారిక.

నవీన్, తాను గొడవపడితే హరిహరకృష్ణ సర్ది చెప్పేవాడని.. ఇద్దరి మధ్య తనే మధ్యవర్తిగా ఉండేవాడని వెల్లడించింది. అయితే తాను, నవీన్ విడిపోయాక హరిహర కృష్ణ తనని ప్రేమిస్తున్నానని చెప్పాడని వెల్లడించింది. అంతేకాదు అప్పుడప్పుడు నవీన్ ని అడ్డు తొలగించి తనని కిడ్నాప్ చేసి తీసుకువెళ్తానని చెప్పేవాడని.. మందలిస్తే సరదాగా అన్నాను అని చెప్పేవాడిని యువతి పోలీసులకు తెలిపింది. నవీన్ హ* తర్వాత హరిహర కృష్ణని నాలుగు సార్లు కలిశానని తెలిపింది నిహారిక. ఈ ఘటన గురించి తనకు తెలిసినా కావాలనే పోలీసులకు చెప్పలేదని తెలిపింది. అంతేకాదు ఘటన తర్వాత హరికి 1500 రూపాయలు ఇచ్చి పారిపోయేందుకు సహకరించానని అంగీకరించింది.