"అసలు మా హీరో ఇలాంటి సినిమాలో ఎందుకు నటించాడు" బాబోయ్ అని ప్రతి అభిమాని అనుకునే సినిమాలు ఇవేనా?

ఇటీవలి కాలంలో మెయిన్ స్ట్రీమ్ మీడియాతో పోల్చితే సోషల్ మీడియా హవా ఓ రేంజ్ లో ఉంది. సోషల్ మీడియా వచ్చాక ప్రతి వర్త సామాన్యులకి త్వరగా అందుతుంది. అలాగే వారి సందేశాలు కూడా నేరుగా సెలబ్రిటీలకు చేరుకుంటున్నాయి. కొందరు ఆకతాయిలు సోషల్ మీడియాలో సెలబ్రిటీలను ఓ రేంజ్ లో ట్రోలింగ్ చేస్తున్నారు. ఇలా చాలామంది సెలబ్రిటీలు ట్రోలింగ్ కి గురయ్యారు. సెలబ్రిటీలపై మాత్రమే కాక సినిమాల పైన కూడా సాధారణ ప్రజలు తమ తమ అభిప్రాయాలను వెలిబుచ్చే అవకాశం ఇచ్చింది లేటెస్ట్ టెక్నాలజీ. ఇండస్ట్రీలో ప్రతి ఒక్క హీరోకి ఓ ఆణిముత్యం లాంటి డిజాస్టర్ మూవీ పడే ఉంటుంది. ఆ సినిమాని జనరల్ ఆడియన్స్ మాత్రమే కాకుండా ఫ్యాన్స్ కూడా ట్రోల్ చేశారు. అంతెందుకు ఫ్యాన్స్ మాత్రమే కాదు జూనియర్ ఎన్టీఆర్ సైతం ఆర్ఆర్ఆర్ ప్రెస్ మీట్ లో తన శక్తి మూవీని తానే ట్రోల్ చేసుకున్నాడు. ఈ విషయాలు పక్కన పెడితే.. టాలీవుడ్ ఇండస్ట్రీలో 15 సినిమాలు ఎక్కువగా ట్రోలింగ్ కి గురయ్యాయి. ఆ సినిమాల లిస్ట్ ఇప్పుడు చూద్దాం..

1) మహేష్ బాబు – బ్రహ్మోత్సవం

శ్రీకాంత్ అడ్డాల దర్శకత్వంలో మహేష్ బాబు హీరోగా తెరకెక్కిన చిత్రం బ్రహ్మోత్సవం. సూపర్ స్టార్ కెరీర్ లోనే ఏదైనా వరస్ట్ స్క్రిప్ట్ సెలక్షన్ ఉంది అంటే అది ఈ మూవీనే అని చెప్పొచ్చు. ప్రేక్షకులు ఈ చిత్రాన్ని అత్యంత దారుణంగా ట్రోల్ చేశారు.

2) రామ్ చరణ్ – వినయ విధేయ రామ

బోయపాటి శ్రీను దర్శకత్వంలో రామ్ చరణ్ హీరోగా తెరకెక్కిన చిత్రం వినయ విధేయ రామ. ఈ సినిమాలో విలన్ ని పాము కాటేస్తే పామే చనిపోవడం, హీరో ట్రైన్ పైకి ఎక్కి ఏకంగా బీహార్ వరకు వెళ్లడం ఇలా చెప్పుకుంటూ పోతే ఎన్నో అనిపించే సన్నివేశాలు ఉన్నాయి. ఈ చిత్రాన్ని ప్రేక్షకులు అత్యంత దారుణంగా ట్రోల్ చేశారు.

3) జూనియర్ ఎన్టీఆర్ – శక్తి

మెహర్ రమేష్ దర్శకత్వంలో జూనియర్ ఎన్టీఆర్ హీరోగా తెరకెక్కిన చిత్రం శక్తి. ఈ చిత్రాన్ని తారక్ ఫ్యాన్స్ కూడా డైజెస్ట్ చేసుకోలేకపోయారు. ఆఖరికి ఎన్టీఆర్ కూడా స్వయంగా సెల్ఫ్ ట్రోల్ చేసుకున్నాడు అంటే ఈ మూవీ తెరకెక్కించిన విధానంపై నెట్టింట్లో ఏ విధంగా ట్రోల్ కి గురైందో చెప్పొచ్చు.

4) నాగార్జున – ఆఫీసర్

సెన్సేషనల్ దర్శకుడు రామ్ గోపాల్ వర్మ దర్శకత్వంలో అక్కినేని నాగార్జున నటించిన చిత్రం ఆఫీసర్. ఈ చిత్రానికి రిలీజ్ కి ముందు ఎంత హైప్ క్రియేట్ అయిందో రిలీజ్ తర్వాత అంతే ట్రోల్ అయింది.

5) బాలకృష్ణ – పరమవీరచక్ర

నందమూరి బాలకృష్ణ హీరోగా తెరకెక్కిన పరమవీరచక్ర.. బాలయ్య కెరీర్ లోనే అత్యధికంగా ట్రోల్ కి గురైన మూవీస్ లిస్టులో ఇది టాప్ లో ఉంటుంది.

6) వెంకటేష్ – షాడో

మెహర్ రమేష్ దర్శకత్వంలో విక్టరీ వెంకటేష్ హీరోగా నటించిన చిత్రం షాడో. మెహర్ రమేష్ దర్శకత్వంలో వచ్చిన మూడవ అట్టర్ ప్లాప్ మూవీ ఇది. ఈ చిత్రం తెరకెక్కించిన విధానంపై నెట్టింట్లో చాలా ట్రోల్స్ వచ్చాయి.

7) రవితేజ – అమర్ అక్బర్ ఆంటోనీ

శ్రీనువైట్ల దర్శకత్వంలో మాస్ మహారాజా రవితేజ హీరోగా తెరకెక్కిన చిత్రం అమర్ అక్బర్ ఆంటోనీ. ఈ చిత్రానికి రిలీజ్ కి ముందు ఎంత హైప్ క్రియేట్ అయిందో రిలీజ్ తర్వాత అంతే ట్రోల్ అయింది.

8) అల్లు అర్జున్ – బద్రీనాథ్ & వరుడు

ఈ రెండు బన్నీ సినిమాల స్టోరీ పక్కన పెడితే ఈ రెండు చిత్రాలలోని కొన్ని సన్నివేశాలను చూస్తే మాత్రం అసలు స్టైలిష్ స్టార్ ఫ్యాన్స్ కూడా ఇవేం సన్నివేశాలు రా బాబు దండం అనేలా ఉంటాయి.

9) నితిన్ – శ్రీనివాస కళ్యాణం

సతీష్ వెగెస్నా దర్శకత్వంలో నితిన్ హీరోగా తెరకెక్కిన చిత్రం శ్రీనివాస కళ్యాణం. అసలు ఆ పెళ్లి ఏంటో? స్టోరీ ఏంటో? అంటూ ఈ చిత్రాన్ని కూడా ప్రేక్షకులు అత్యంత దారుణంగా ట్రోల్ చేశారు.

10) ప్రభాస్ – రెబల్

లారెన్స్ రాఘవ దర్శకత్వంలో ప్రభాస్ హీరోగా తెరకెక్కిన చిత్రం రెబెల్. ఈ చిత్రానికి కూడా రిలీజ్ కి ముందు ఎంత హైప్ క్రియేట్ అయిందో రిలీజ్ తర్వాత అంతే ట్రోల్ అయింది.

11) పవన్ కళ్యాణ్ – సర్దార్ గబ్బర్ సింగ్

బాబీ దర్శకత్వంలో పవర్ స్టార్ పవన్ కళ్యాణ్ హీరోగా తెరకెక్కిన చిత్రం సర్దార్ గబ్బర్ సింగ్. ఈ చిత్రం పవన్ అభిమానులని ఓ రేంజ్ లో డిసప్పాయింట్ చేసింది.

12) నాగచైతన్య – దడ

అజయ్ భుయాన్ దర్శకత్వంలో అక్కినేని నాగచైతన్య హీరోగా తెరకెక్కిన చిత్రం దడ. చాలామంది ఈ సినిమాను చూసి కూడా ఉండరంటే ఈ సినిమా ఏ రేంజ్ లో ప్లాప్ అయిందో ప్రత్యేకంగా చెప్పనక్కర్లేదు.

13) రానా దగ్గుబాటి – నేను నా రాక్షసి

పూరీ జగన్నాథ్ దర్శకత్వంలో రానా దగ్గుబాటి హీరోగా తెరకెక్కిన చిత్రం నేను నా రాక్షసి. అసలు ఈ చిత్రంలో ఇలియానా డబుల్ ఆక్షన్ ఎందుకు పెట్టారో తెలియదు..? సినిమాలో ఆత్మ**లు ఎందుకు చేసుకుంటారో తెలియదు? రానా కెరీర్ లోనే ఫుల్ ట్రోల్ అయిన చిత్రం ఏదైనా ఉంది అంటే అది ఇదేనని చెప్పొచ్చు.

14) విజయ్ దేవరకొండ – నోట