సినిమాలో కేవలం 2 సీన్ల హైలైట్ తోనే బ్లాక్ బస్టర్ అయిన సినిమాలు ఇవే ?

తెలుగు సినిమా ఇండస్ట్రీలో గొప్ప కథ ఉన్నప్పుడు గొప్ప సినిమా తీసిన దర్శకులు ఉన్నారు. భారీ తారాగణంతో గొప్ప సినిమాలు తీసిన వారు కూడా ఉన్నారు. అయితే ఇండస్ట్రీలో కేవలం తక్కువ కథలే ఉంటాయి. ఉన్న కథలనే అటుతిప్పి ఇటు తిప్పి కొంత ట్విస్టులు జత చేసి, స్క్రీన్ ప్లే తో మాయ చేసి సినిమా రూపంలో అభిమానుల ముందుకు తీసుకువస్తారు మూవీ మేకర్స్. కొన్ని సినిమాలకి కథ ఎలా ఉన్నా కొన్ని సన్నివేశాలు మాత్రమే ప్రేక్షకులను రక్తి కట్టిస్తాయి. ఆ ఒక్క సీన్ తోనే సినిమాకి మంచి హైప్ వస్తుంది. అవి చూడడానికి జనాలు థియేటర్ కి మళ్ళీ మళ్ళీ వస్తుంటారు. మరి అలాంటి సీన్స్ తో హైలైట్ అయ్యి హిట్టు కొట్టిన సినిమాలు ఏవో ఇప్పుడు చూద్దాం..

1) గబ్బర్ సింగ్.

హరీష్ శంకర్ దర్శకత్వంలో పవర్ స్టార్ పవన్ కళ్యాణ్ హీరోగా 2012 మే 11న విడుదలైన ఈ చిత్రం భారీ విజయాన్ని నమోదు చేసింది. ఈ చిత్రంలో అత్యక్షరి సీన్ ప్రేక్షకులను ఎంతగానో ఆకట్టుకుంది. కేవలం ఈ సీన్ కోసమే ప్రేక్షకులు మళ్లీమళ్లీ థియేటర్ కి వెళ్లారంటే అతిశయోక్తి లేదు.

2) సమరసింహారెడ్డి.

బి.గోపాల్ దర్శకత్వంలో నటసింహ నందమూరి బాలకృష్ణ హీరోగా 1999 జనవరి 13న విడుదలైన ఈ చిత్రం బాక్సాఫీస్ వద్ద సంచలనం సృష్టించింది. బాలకృష్ణ నటించిన అనేక ఫ్యాక్షన్ సినిమాలలో సమరసింహారెడ్డి సినిమా మంచి హిట్ అయింది. ఈ సినిమాలో వచ్చిన ట్రైన్ సీన్ ప్రేక్షకులను విపరీతంగా ఆకట్టుకుంది.

3) అంజి.

కోడి రామకృష్ణ దర్శకత్వంలో మెగాస్టార్ చిరంజీవి హీరోగా 2004 జనవరి 15న విడుదలైన అంజి చిత్రం ఫ్లాప్ టాక్ తో చిరు కెరీర్ లోనే డిజాస్టర్ గా నిలిచింది. అయితే ఈ సినిమా క్లైమాక్స్ మాత్రం అద్భుతంగా ఉంటుంది.

4) మగధీర.

ఎస్ఎస్ రాజమౌళి దర్శకత్వంలో మెగా పవర్ స్టార్ రామ్ చరణ్ హీరోగా 2009లో విడుదలైన ఈ చిత్రం భారీ విజయాన్ని నమోదు చేసింది. ఈ సినిమా క్లైమాక్స్ మాత్రం ఒక రేంజ్ లో ఉంటుంది. క్లైమాక్స్ లో వచ్చే షేర్ ఖాన్ ఎంట్రీ, కాజల్ కి పునర్జన్మ గురించి గుర్తుకు రావడం వంటివి అద్భుతంగా కుదిరాయి. చివర్లో విలన్ తో ఫైట్ సీన్ ఈ సినిమాకి హైలైట్ గా నిలిచాయి.

5) మిర్చి.

కొరటాల శివ దర్శకత్వంలో యంగ్ రెబల్ స్టార్ ప్రభాస్ హీరోగా 2013 ఫిబ్రవరి 8న విడుదలైన మిర్చి చిత్రం ఎంతటి ఘన విజయాన్ని సాధించిందో మనందరికీ తెలిసిందే. ఈ చిత్రంలో విలన్ దగ్గర పని చేసే వ్యక్తి కూతురి మెడికల్ సీటు కోసం కాలేజీకి వెళ్లి అక్కడ మాట్లాడే సీన్ ఎంతో హైలైట్ గా నిలిచింది. ఈ ఒక్క సీన్ తో సినిమా ఘనవిజయం సాధించింది.