విజయ్ “వారసుడు” ట్రైలర్ చూసారా ? మీకు ఇదే డౌట్ వచ్చిందా ?? ఇది అదే కదా ?

తమిళ స్టార్ హీరో విజయ్ నటించిన లేటెస్ట్ మూవీ ‘వారిసు’. అదే తెలుగులో ‘వారసుడు’. వంశీ పైడిపల్లి ఈ చిత్రానికి దర్శకుడు కాగా, దిల్ రాజు ఈ చిత్రాన్ని నిర్మించారు? ఇది బైలింగ్యువల్ మూవీ అని నిర్మాత దిల్ రాజు మొదట చెప్పినప్పటికీ తర్వాత ఇది తమిళ సినిమా. తెలుగులో డబ్బింగ్ అవుతుంది అంతే అంటూ ఆయనే క్లారిటీ ఇచ్చేసాడు.  సంక్రాంతి కానుకగా వాల్తేరు వీరయ్య, వీరసింహారెడ్డి, వంటి చిత్రాలతో పోటీగా ఈ మూవీ రిలీజ్ అవుతుండడంతో, ఈ మూవీ వార్తలో నిలిచింది. ఈ మూవీ లో టాలీవుడ్ నటుడు శ్రీకాంత్ కీలక పాత్రలో మెప్పించారు. తమిళంలో ఆయన నటించిన తొలి చిత్రం ఇదే కావడం విశేషం. ఈ సందర్భంగా వారసుడు చిత్రం గురించి కొన్ని ఆసక్తికర విషయాలను పంచుకున్నారు. ఈ చిత్రంలో విజయ్ సోదరుడిగా నటించానని తెలిపారు.

“విజయ్ సోదరుడిగా ఈ సినిమాలో కీలకపాత్రలో నటించాను. బ్రదర్స్, సిస్టర్స్ మధ్య నడిచే అద్భుతమైన భావోద్వేగాలు ఈ సినిమాలో ఉంటాయి. తెలుగు, తమిళం రెండు భాషల్లోనూ విడుదల కానుంది. పూర్తిగా తెలుగు నేటివీటికి తగినట్టుగా ఉంటుంది. టాలీవుడ్ ప్రేక్షకుల్లో గుర్తింపు ఉన్న చాలా మంది నెటిజన్లు ఇందులో నటించారు” అని శ్రీకాంత్ స్పష్టం చేశారు. తన పాత్ర చిత్రంలో ఫుల్ లెంగ్త్ లో ఉంటుందని శ్రీకాంత్ అన్నారు. అయితే, శ్రీకాంత్ ఈ వ్యాఖ్యలు చేయడంతో.. సినిమాపై ట్రోలింగ్ మొదలైంది. తెలుగు పరిశ్రమ లో ఇప్పటికే వచ్చిన కథను కాపీ కొట్టి ‘వారిసు’ చేశారని కామెంట్స్ చేస్తున్నారు.

 

ఇదిలా ఉండగా, తాజాగా ట్రైలర్ ను రిలీజ్ చేశారు మేకర్స్. ట్రైలర్ బాగానే ఉంది కానీ, ఈ ట్రైలర్ చూస్తున్న జనాలకు చాలా తెలుగు సినిమాలు మైండ్ లో స్ట్రైక్ అవుతున్నాయి. లక్ష్మీ, బ్రహ్మోత్సవం, మహర్షి, అజ్ఞాతవాసి, అలా వైకుంఠపురంలో, టచ్ జగదీష్, ఇలా చాలా సినిమాల ఛాయలు కనిపిస్తున్నాయి అన్నది వాస్తవం. ఇన్నాళ్లు ఒక్క మహర్షినే అనుకున్నాం. ట్రైలర్ చూస్తే, శ్రీమంతుడు, బృందావనంతో పాటు పేరు గుర్తుకురాని మరికొన్ని సినిమాలు కళ్ళ ముందు కనిపిస్తున్నాయి. ఇంతటి దానికి విజయ్ ని తెలుగులోకి తీసుకురావాలా? చిరంజీవి, బాలయ్య లాంటి సీనియర్ స్టార్లను పక్కనపెట్టి తెలుగునాట వారసుడుకి ఎక్కువ థియేటర్లు కేటాయించాలా? అంటూ కామెంట్స్ చేస్తున్నారు. అందుకే సోషల్ మీడియాలో మీమ్స్ వేసి ఈ ట్రైలర్ ను ట్రెండ్ చేస్తున్నారు. వారసుడు ట్రైలర్ పై ట్రెండ్ అవుతున్న మీమ్స్ ను మీరు కూడా ఓ లుక్కేయండి.