ఇంటర్ పరీక్షల షెడ్యూల్ ఇదే..!

తెలంగాణ ఇంటర్ పరీక్షల షెడ్యూల్ విడుదల చేసింది బోర్డు. ఈ మేరకు ప్రకటన విడుదల చేసింది. మార్చి 15 నుంచి ఏప్రిల్ 4 వరకు పరీక్షలు ఉంటాయని తెలిపింది. అలాగే ఫిబ్రవరిలో రెండు సెషన్లలో ప్రాక్టికల్స్ నిర్వహించనున్నట్లు స్పష్టం చేసింది. దీనికి సంబంధించిన టైం టేబుల్ ను ఇంటర్ బోర్డు విడుదల చేసింది.

మార్చి 15 నుంచి మొదటి సంవత్సరం పరీక్షలు ప్రారంభం అయి ఏప్రిల్ 3న ముగుస్తాయి. అలాగే సెకెండ్ ఇయర్ పరీక్షలు 16న ప్రారంభం అయి 4న ముగిసేలా షెడ్యూల్ ప్రిపేర్ చేశారు. పరీక్షలన్నీ ఉదయం 9 గంటల నుంచి మధ్యాహ్నం 12 గంటల వరకు జరుగుతాయని బోర్డు వెల్లడించింది.

ప్రస్తుతం వెల్లడించిన పరీక్షల తేదీలు.. జనరల్, ఒకేషనల్ కోర్సులకు వర్తిస్తాయని ప్రకటించింది. ఒకేషనల్ విద్యార్థుల సబ్జెక్ట్ వారీ టైం టేబుల్ ని త్వరలో విడుదల చేస్తామని పేర్కొంది. ఫిబ్రవరి 15 నుంచి మార్చి 2 వరకు ప్రాక్టికల్స్ నిర్వహించనుండగా.. రెండు సెషన్లలో వీటిని పూర్తి చేయనున్నారు. ఆదివారం కూడా ప్రాక్టికల్స్ జరిగేలా నిర్ణయించారు.

ఏరోజు ఏ పరీక్ష.. ఫుల్ డీటెయిల్స్