వెంకటేష్ ఫాన్స్ కి బ్యాడ్ న్యూస్ !

విక్టరీ వెంకటేష్.. తెలుగు సినిమా ఇండస్ట్రీలో వెంకటేష్ గురించి తెలుగు ప్రేక్షకులకు బాగా సుపరిచితమే. ఎన్నో సూపర్ డూపర్ హిట్ చిత్రాలలో నటించి ప్రేక్షకులను ఎంతగానో అలరించారు వెంకటేష్. క్లాస్, మాస్, కామెడీ.. ఇలా ఏ పాత్ర ఇచ్చినా అందులో ఒదిగిపోతారు వెంకీ. ఎప్పుడు యాక్టివ్ గా ఉండే వెంకటేష్ కుర్ర హీరోలతో పోటీపడి నటిస్తూ ఉంటారు. ఈయనకు టాలీవుడ్ ఇండస్ట్రీలో ఎంతో మంది అభిమానులు ఉన్నారు. అంతెందుకు అందరి హీరోల ఫ్యాన్స్ వెంకీ మామ ఫ్యాన్స్ అనే చెప్పాలి. కలియుగ పాండవులు అనే సినిమాతో టాలీవుడ్ ఇండస్ట్రీకి పరిచయం అయ్యాడు విక్టరీ వెంకటేష్.

Read also: ఆరుగురు పతి వ్రతలు సినిమా హీరోయిన్ ఇప్పుడు ఏం చేస్తుందో తెలుసా..?

ఈయన కెరియర్ లో గుర్తుండిపోయే చిత్రం చంటి. ఈ సినిమాలో ఓ అమాయకుడి పాత్రలో నటించి ప్రేక్షకులను బాగా అలరించారు. ఇక వెంకటేష్ సరసన నటించిన చాలామంది హీరోయిన్లు తెలుగు సినీ ఇండస్ట్రీకి పరిచయమై మంచి హోదాను సంపాదించుకున్నారు. అయితే వెంకటేష్ ప్రస్తుతం ఓ షాకింగ్ నిర్ణయం తీసుకున్నారని తెలుస్తోంది. ఇటీవల విశ్వక్సేన్ హీరోగా నటించిన ” ఓరి దేవుడా” సినిమాలో అతిథి పాత్రలో నటించిన వెంకటేష్ కొన్ని రోజులపాటు సినిమాలకి దూరంగా ఉండాలని నిర్ణయించుకున్నారట. ఈ నేపథ్యంలోనే గత కొద్ది రోజులుగా వెంకటేష్ ఏ కొత్త ప్రాజెక్టుకు సైన్ చేయలేదని తెలుస్తోంది.

ఆయన ఆధ్యాత్మికతలోకి వెళ్ళనున్నారట. వెంకటేష్ కి మొదటి నుండి ఆధ్యాత్మిక భావాలు ఎక్కువ. ఈ విషయం అందరికీ తెలిసిందే. అయితే ఆయన ఇప్పుడు మూవీస్ నుంచి బ్రేక్ తీసుకొని కొన్ని రోజులపాటు ఆధ్యాత్మిక సాధన చేయబోతున్నట్లు సమాచారం. అయితే కొంతమంది మాత్రం వచ్చే నెలలో డిసెంబర్ 13న వెంకటేష్ పుట్టినరోజున బయటకి వస్తాడని.. అలాగే ఆయన సినిమా గురించి ఏదైనా అప్డేట్ కూడా ఇస్తారేమో అని అనుకుంటున్నారు. మరి ఈ వార్తల్లో నిజమెంతో తెలియాల్సి ఉంది. ఆయన పుట్టినరోజు మాత్రం కొత్త మూవీ పై అప్డేట్ ఇచ్చే అవకాశం ఉన్నట్లు వార్తలు వస్తున్నాయి.