ఓటీటీలో విడుదలకానున్న కొత్త సినిమాలు ఇవే..!!

ప్రస్తుతం ఓటీటీల హవా నడుస్తున్న సంగతి తెలిసిందే. తాజాగా థియేటర్లో సినిమా రిలీజ్ అయిన అనంతరం ఆ సినిమా ఓటీటి లోకి ఎప్పుడు వస్తుందో అని ఎదురు చూస్తూ ఉంటారు. ఓటిటిలో మనకు నచ్చిన సినిమా చూస్తే వచ్చే మజానే వేరు. అయితే ఇటీవల ప్రేక్షకుల ముందుకు వచ్చిన కొన్ని చిత్రాలు తాజాగా ఓటీటిలో సందడి చేసేందుకు సిద్ధమయ్యాయి. వివిధ కారణాల వల్ల థియేటర్స్ లో చూడని వాళ్ళు, లేదా మీకు నచ్చిన సినిమాని మళ్లీమళ్లీ చూడాలనుకునే వారికోసం.. ఏ ఏ సినిమాలు ఏ ఓటిటి ప్లాట్ ఫామ్ లో రిలీజ్ అవుతున్నాయో తెలుసుకుందాం…

Read also:  రాజమౌళి నటించి ఫ్లాప్ అయిన సినిమా ఏదో మీకు తెలుసా?

1) అమ్ము: చారుకేష్ శేఖర్ దర్శకత్వంలో ఐశ్వర్య లక్ష్మి హీరోయిన్ గా( లీడ్ రోల్), నవీన్ చంద్రకి జంటగా నటించిన “అమ్ము” చిత్రం అమెజాన్ ప్రైమ్ లో స్ట్రీమింగ్ అవుతుంది.

Latest Telugu OTT Movies

2) ఒకే ఒక జీవితం: శ్రీ కార్తిక్ దర్శకత్వంలో శర్వానంద్ – రీతు వర్మ జంటగా టైం ట్రావెల్ కాన్సెప్ట్ తో అమ్మ సెంటిమెంటును జోడించి వచ్చిన మూవీ ” ఒకే ఒక జీవితం”. ఈ మూవీ అక్టోబర్ 20 నుంచి సోనీలివ్ లో ప్రసారం కానుంది.

3) బింబిసార: వశిష్ట దర్శకత్వంలో నందమూరి కళ్యాణ్ రామ్ నటించిన బ్లాక్ బస్టర్ సినిమా ” బింబిసారా”. ఆగస్టు 5న రిలీజ్ అయిన ఈ సినిమా ఎంత పెద్ద హిట్ అయిందో ప్రత్యేకంగా చెప్పాల్సిన పనిలేదు. దీపావళి సందర్భంగా అక్టోబర్ 21 నుంచి ఈ మూవీ జి 5 లో స్ట్రీమింగ్ కానుంది.

4) కృష్ణ వ్రింద విహారి: అనీష్ ఆర్ కృష్ణ దర్శకత్వంలో నాగశౌర్య – షిర్లీ సేథియా నటించిన చిత్రం ” కృష్ణ వ్రింద విహారి”. రొమాంటిక్ కామెడీ కథాంశంతో తెరకెక్కిన ఈ చిత్రం అక్టోబర్ 23 నుంచి నెట్ ఫ్లిక్స్ లో స్ట్రీమింగ్ కానుంది.

5) స్వాతిముత్యం: బెల్లంకొండ గణేష్ – వర్షా బొల్లమ్మ జంటగా తెరకెక్కిన చిత్రం “స్వాతిముత్యం”. దసరా కానుకగా థియేటర్లలో విడుదలై ప్రేక్షకులను అలరించిన ఈ రొమాంటిక్ ఎంటర్టైనర్ అక్టోబర్ 28 నుంచి “ఆహా”లో స్ట్రీమింగ్ కానుంది.

6) బ్రహ్మాస్త్ర: బాలీవుడ్ స్టార్ జంట రణబీర్ కపూర్ – అలియా భట్ హీరో హీరోయిన్ గా నటించిన భారీ విజువల్ వండర్ ” బ్రహ్మాస్త్ర”. భారీ అంచనాలను నడుమ సెప్టెంబర్ 9న విడుదలైన ఈ చిత్రం సంచలన విజయాన్ని సాధించింది. ఈ చిత్రం నవంబర్ 4 నుంచి ” హాట్ స్టార్” లో స్ట్రీమింగ్ కానుంది.

Read also: మహేష్ బాబు వదులుకున్న 10 సూపర్ హిట్ సినిమాలు ఇవే..!!