స్టార్ హీరోలుతో పాటుగా వారి భార్యలు కూడా పోటీ పడి వ్యాపారాలలో ఎంత సంపాదిస్తున్నారంటే ?

మన టాలీవుడ్ లో తారలు ఇప్పుడు బిజినెస్ మైండెడ్ అయిపోయారు. సినిమాల్లో హీరోలుగా చేయడమే కాదు, ఆ సినిమాకి రెమ్యూనరేషన్ తీసుకోకుండా, సినిమాలో షేర్లు తీసుకుంటున్నారు. కేవలం సినిమాలే కాదు, బట్టల బ్రాండ్లు, మల్టీప్లెక్స్‌లు, రెస్టారెంట్ల వ్యాపారం ఇలా వివిధ మార్గాల్లో డబ్బుని పెట్టుబడి పెట్టి, వ్యాపారం ద్వారా డబ్బు సంపాదిస్తారు మన టాలీవుడ్ హీరోలు. ఐతే హీరోలు ఇలా ఉంటే మేము ఏం తక్కువ కాదు అంటూ మన హీరోల భార్యలు కూడా ఏం తగ్గడం లేదు. ఇంట్లో ప్రశాంతంగా కూర్చోకుండా వారికి నచ్చిన వ్యాపారం చేస్తూ మన హీరోలు పోటీగా సంపాదిస్తున్నారు. మరి ఈ లిస్ట్ లో మన సెలబ్రిటీ భార్యలు ఎవరున్నారు ? వారు సంపాదిస్తున్నారు అనేది ఒక్కసారి చూసేద్దాం.

# రామ్ చరణ్ భార్య ఉపాసన

అపోలో హాస్పిటల్స్ లో ఒక వైస్ చైర్మన్ గా మరియు బి పాజిటివ్ అనే హెల్త్ మ్యాగజైన్ కి చీఫ్ ఎడిటర్ గా ఉన్న ఉపాసన కి హాస్పిటల్స్ లో షేర్ ఉంది. ఉపాసన కి వచ్చే దాదాపు రామ్ చరణ్ సినిమాల రెమ్యూనరేషన్ కి సమానంగా ఉంటుంది అంట.

# నాని భార్య అంజన

బెంగుళూరు నిఫ్ట్ నుండి ఫ్యాషన్ డిజైనింగ్ పూర్తి చేసిన అంజన.. ఆర్కా మీడియా లో కాస్ట్యూమ్ డిజైనర్ క్రియేటివ్ హెడ్ గా వర్క్ చేస్తు సినిమాలకు కాస్ట్యూమ్స్ డిజైన్ చేసారు. బాహుబలి సినిమాకి కూడా ఈమె కాస్ట్యూమ్స్ డిజైన్ చేసింది. సినిమాలకి మరియు సెలబ్రిటీల కి దుస్తులను డిజైన్ చేసి లక్షల్లో సంపాదిస్తున్నారు.

# అల్లు అర్జున్ భార్య స్నేహా రెడ్డి

బన్నీ భార్య అల్లు స్నేహ, స్పెక్ట్రమ్ మ్యాగజైన్ కి చీఫ్ ఎడిటర్ గా మరియు తన తండ్రి ‘సెయింట్ ఇన్స్టిట్యూట్స్’ ని బిజినెస్ ని హ్యాండిల్ చేస్తు బానే సంపాదిస్తుంది స్నేహ రెడ్డి.

# అల్లరి నరేష్ భార్య విరూప

ఇప్పుడు కొంచెం తక్కువ అయ్యయ్యి కానీ…ఒకప్పుడు ఏడాదికి 10-15 సినిమాలు చేసాడు అలరి నరేష్. ఇక ఇతని భార్య విరూప సినిమాలు, పెళ్లి వేడుకలు చేసి ఈవెంట్ మేనేజర్ గా కొన్ని లక్షలు సంపాదిస్తున్నారు.

# డా. రాజశేఖర్ భార్య జీవిత

జీవిత హ్యాపీ మూవీస్ బ్యానర్ మీద రాజశేఖర్ మూవీస్ నిర్మిస్తూ, స్కూల్స్ రన్ చేస్తు, సెన్సార్ బోర్డ్ లో మెంబర్ గా బహుళ వృత్తులు చేసి భారీగా సంపాదిస్తున్నారు.

# మహేష్ బాబు భార్య నమ్రత

సూపర్ స్టార్ భార్య నమ్రత అయితే కాస్ట్యూమ్ డిజైనర్ గా HUMBL కో ను దగ్గర ఉండి లాంచ్ చేయించి దుస్తుల వ్యాపారాన్ని ప్రారంభించింది. ఇది ఒక్కటే కాదు AMB సినిమాలు మరియు GMB ఎంటర్టైన్మెంట్ లో నమ్రత కి షేర్ ఉంది.