ఊహతో హీరో శ్రీకాంత్ విడాకులు?

నోరు మంచిదైతే, ఊరు మంచిదంటుంది. అలాంటి మంచి నోరు ఉన్న టాలీవుడ్ ఎవర్ గ్రీన్ హాండ్సమ్ హీరో శ్రీకాంత్. టాలీవుడ్ ఎంట్రీ ఇచ్చి 31 సంవత్సరాలు దాటిపోయింది. మెగాస్టార్ చిరంజీవి, బాలకృష్ణ, నాగార్జున, వెంకటేష్ ఫుల్ స్వింగ్ లో ఉన్న టైం లో ఇండస్ట్రీ ఎంట్రీ ఇచ్చారు శ్రీకాంత్. తర్వాత తరం అల్లు అర్జున్, రామ్ చరణ్ లతోను 70 ఎం ఎం స్క్రీన్ ను షేర్ చేసుకున్నారు శ్రీకాంత్.

కృష్ణవంశీ దర్శకత్వంలో వచ్చిన ‘మహాత్మ’ సినిమా శ్రీకాంత్ నటించిన వందో చిత్రం. ఆ తర్వాత కూడా అనేక సినిమాల్లో హీరోగా, పెద్ద హీరోలు చేస్తున్న అనేక చిత్రాల్లో క్యారెక్టర్ నటునిగా చేస్తూ మంచి మార్కులు సంపాదించారు. సంపాదిస్తూనే ఉన్నారు. ఇప్పుడున్న హీరోల్లో ఆ మార్కును అందుకునే హీరోలు ఇప్పట్లో రారు, రాబోరు కూడా. తాజాగా సీనియర్ హీరో శ్రీకాంత్ తన భార్య ఊహకు విడాకులు ఇవ్వబోతున్నారంటూ కొంతమంది యూట్యూబ్ లలో, సోషల్ మీడియాలో ప్రచారం చేస్తున్నారు.

 

ఈ వార్తలు చూసి చాలా మంది నిజమేనా అని మాట్లాడుకోవడం మొదలుపెట్టారు. ఈ క్రమంలో ఈ వార్తలపై హీరో శ్రీకాంత్ క్లారిటీ ఇచ్చారు. శ్రీకాంత్ ఓ ప్రెస్ నోట్ రిలీజ్ చేస్తూ, “ఇలాంటి నిరాధారమైన పనికిమాలిన వార్తలను ఎవరు పుట్టిస్తున్నారు? గతంలో నేను చనిపోయినట్లుగా ఒక పుకారు పుట్టించి నా కుటుంబ సభ్యులను తీవ్ర ఆందోళనకు గురి చేశారు. ఇప్పుడు తాజాగా మేము ఆర్టిక ఇబ్బందుల కారణంగా విడాకులు తీసుకుంటున్నాం అంటూ ఒక న్యూసెన్స్ క్రియేట్ చేశారు. కొన్ని వెబ్ సైట్ లో వచ్చిన ఈ ఫేక్ న్యూస్ ను తన ఫ్రెండ్స్ ఊహాకు ఫార్వర్డ్ చేయడంతో తను కంగారుపడుతూ ఆ పోస్టులకు ఆ పోస్టులను నాకు చూపించంది. ‘ఇలాంటివి ఏమాత్రం నమ్మద్దు, ఆందోళన పడవద్దు’ అని తనను ఓదార్చాను” అని చెప్తారు.

READ ALSO : మల్లారెడ్డికి ఐటీ బిగ్ షాక్..లాకర్ పగలగొట్టిన అధికారులు..