Kantara OTT Release date : ఎట్టకేలకు ఓటీటీలో ‘కాంతార’..స్ట్రీమింగ్ ఎందులోనో తెలుసా ?

Kantara OTT Release date : “కాంతారా” మూవీ గురించి ఎంత చెప్పినా తక్కువే అవుతుంది. ఎలాంటి అంచనాలు లేకుండా వచ్చి.. చరిత్రే సృష్టిస్తోంది. 2022 సౌత్ లో భారీ కలెక్షన్స్ రాబట్టిన చిత్రాల్లో కాంతారా మూవీ కూడా ఉంటుందని చెప్పడంలో ఎలాంటి అనుమానాలు లేవు. తాజాగా విడుదలైన ఈ మూవీ దేశవ్యాప్తంగా భారీ కలెక్షన్స్ రాబట్టింది. ఇప్పటికీ రెండు వందల కోట్లకు పైగా గ్రాస్ వసులు చేసి రికార్డు క్రియేట్ చేసింది. ఈ చిత్రాన్ని కొనుగోలు చేసిన ప్రతి బయ్యార్ రెండింతల లాభాలను అందుకున్నారు. ప్రస్తుతం సోషల్ మీడియాలో ఎక్కడ చూసినా ఈ మూవీ పేరు వినిపిస్తోంది. ఎంతో సింపుల్ గా వచ్చిన ఈ మూవీ బాక్సాఫీస్ వద్ద భారీ విజయాన్ని సొంతం చేసుకుంది.

దాదాపు 16 కోట్ల బడ్జెట్ తో తెరకెక్కిన ఈ మూవీ ఏకంగా 350 కోట్లకు పైగా వసూలు చేసి రికార్డు క్రియేట్ చేసింది. ఇప్పటికే థియేటర్స్ లో ఈ సినిమా సందడి చేస్తోంది. ఇదిలా ఉంటే ఈ సినిమా ఓటిటిలో రానుందని గత కొద్ది రోజులుగా వార్తలు వినిపిస్తున్నాయి. అయితే ఈ సినిమా ఎప్పుడు ఎక్కడ స్ట్రీమింగ్ అవుతుంది అన్న దానిపై ఇంతవరకు క్లారిటీ రాలేదు. ఇటీవల నవంబర్ 24న ‘కాంతార’ వచ్చేస్తుందంటూ సోషల్ మీడియా లో కొన్ని పోస్టర్లు హల్ చల్ చేశాయి.

Kantara OTT Release date

డిజిటల్ స్ట్రీమింగ్ వేదిక అమెజాన్ ప్రైమ్ వీడియో స్వయంగా ప్రకటించినట్లు కొన్ని పోస్టర్స్ ను డిజైన్ చేసి సోషల్ మీడియాలో షేర్ చేశారు కొందరు. అయితే ఈ వార్తల్లో నిజం లేదని తెలుస్తోంది. అమెజాన్ ప్రైమ్ ఇంతవరకు ఈ విషయాన్ని అధికారికంగా ప్రకటించలేదు. అయితే కాంతార మూవీ స్ట్రీమింగ్ గురించి ‘అమెజాన్ హెల్ప్’ ను అడగ్గా నవంబర్ 24న అంటూ సమాధానం ఇచ్చింది. అయితే అధికారిక పేజీలో మాత్రం ఎలాంటి ప్రకటన చేయలేదు. దాంతో ఈ సినిమా ఓటీటీకి వస్తుందా? అన్నది కొంతమంది లో రేకెత్తుతున్న ప్రశ్న. ఒకవేళ ఓటిటికి డేట్ ఫిక్స్ అయితే, ఇవాళ అర్ధరాత్రి నుంచే అమెజాన్ ప్రైమ్ లో కాంతార మూవీ స్ట్రీమింగ్ కానుంది.

READ ALSO : సింగర్ మంగ్లీకి అరుదైన గౌరవం..నెలకు లక్ష రూపాయలు జీతం !