Macherla Niyojakavargam OTT : విడుద‌లైన 4 నెల‌ల త‌ర్వాత ఓటీటీలోకి “మాచర్ల నియోజకవర్గం సినిమా”

నితిన్ హీరోగా మాచర్ల నియోజకవర్గం సినిమా రూపొందిన సంగతి తెలిసిందే. ఈ సినిమాలో రాజశేఖర్ రెడ్డి దర్శకుడుగా చిత్ర పరిశ్రమకు పరిచయమయ్యాడు. కేథరిన్, కృతి శెట్టి హీరోయిన్లుగా నటించిన ఈ సినిమాకు మహతి స్వర సాగర్ సంగీతాన్ని అందించాడు. పొలిటికల్ టచ్ తో కూడిన ఈ మాస్ యాక్షన్ మూవీ రక్షాబంధన్ నేపథ్యంలో ప్రేక్షకుల ముందుకు వచ్చింది.

ప్యూర్ పొలిటికల్ యాక్షన్ థ్రిల్లర్ గా వచ్చిన మాచర్ల నియోజకవర్గం ప్రేక్షకులను అంతగా ఆకట్టుకోలేకపోయింది. అయితే కలెక్టర్ గా నితిన్ నటన కృతి శెట్టి క్యాథరిన్ ల అందచందాలు అభిమానులను బాగానే ఎంటర్టైన్ చేశాయి. ముఖ్యంగా అంజలి రా రా రెడ్డి సాంగ్ సూపర్ హిట్ గా నిలిచింది. అందుకే ఈ సినిమాను ఓటిటిలో నైనా చూద్దామని ప్రేక్షకులు ఆసక్తిగా ఎదురు చూస్తున్నారు.

అయితే సినిమా థియేటర్లలో విడుదలై మూడు నెలలు పూర్తవుతున్న ఓటీటీ స్ట్రీమింగ్ గురించి ఎలాంటి అప్డేట్ రాలేదు. తాజాగా ఈ ఎదురు చూపులకు అడ్డు కట్టపడింది. మాచర్ల నియోజకవర్గం డిజిటల్ ప్రీమియర్ కు సిద్ధమైంది. ప్రముఖ ఓటిటీ ప్లాట్ ఫామ్ జి 5 ఈ సినిమా డిజిటల్ రైట్స్ ను సొంతం చేసుకుంది. ప్రేక్షకులు ఎదురుచూపులకు తెరదించుతూ డిసెంబర్ 5న నితిన్ సినిమాను స్ట్రీమింగ్ చేయనున్నట్లు అధికారికంగా ప్రకటించింది. కాగా రాజేంద్రప్రసాద్, వెన్నెల కిషోర్, మురళీ శర్మ, ఇంద్రజ, శుభలేఖ సుధాకర్, బ్రహ్మాజీ కీలక పాత్రలు పోషించారు.

read also :

1.పంత్ ఇకనైనా కొవ్వు తగ్గించుకో.. ధోనిని చూసి నేర్చుకో !

2001 కోల్కతా టెస్ట్ ఆస్ట్రేలియా తో గెలుపు లక్ష్మణ్, ద్రావిడ్ కాదు గంగూలీ ఎలాగంటే ?