Unstoppable with NBK 2 : పవన్ – బాలయ్యల టాక్ షోలో గందరగోళం ?

నందమూరి బాలకృష్ణ అన్ స్టాపబుల్ టాక్ షోకి మంగళవారం పవర్ స్టార్ పవన్ కళ్యాణ్ వచ్చారు. ఈ విషయం తెలుసుకున్న వేలాది మంది అభిమానులు అన్నపూర్ణ స్టూడియోకి వచ్చి పవన్ కళ్యాణ్ కోసం వెయిట్ చేశారు. వేలాది మంది అభిమానుల మధ్య ఈలలు వేస్తూ, కేకల నడుమ కారు దిగివచ్చి పవన్ కళ్యాణ్ బాలకృష్ణను హగ్ చేసుకున్నాడు. ఈ ఇద్దరు స్టార్ హీరోలను ఒకే ఫ్రేమ్ లో చూసిన నందమూరి మరియు మెగా అభిమానుల ఆనందానికి అవధులు లేవని చెప్పవచ్చు.

పవర్ స్టార్ పవన్ కళ్యాణ్ ఈరోజు ఉదయం 11 గంటలకి అన్నపూర్ణ స్టూడియోకి రాబోతున్నారని తెలుసుకున్న ఫ్యాన్స్ భారీ సంఖ్యలో అక్కడికి చేరుకున్నారు. సెట్స్ లోపలికి వెళ్లేందుకు అనేక ప్రయత్నాలు కూడా చేశారు. ఈ తరుణంలో స్టూడియో వద్ద కాస్త గందరగోళం ఏర్పడింది. ఈ షో చూడడానికి అభిమానులే కాకుండా, కొంతమంది సెలబ్రిటీలు కూడా క్యూ కట్టారు.

ఈ షో సాగుతున్నంత సేపు ఫ్యాన్స్ అంతా ఆ స్టూడియోలోనే పడిగాపులు గాస్తూ నినాదాలు చేశారు. పవర్ స్టార్ పవన్ కళ్యాణ్ రాగానే సీఎం సీఎం అంటూ పెద్ద ఎత్తున నినాదాల తో హోరెత్తించారు. బాబులకే బాబు పవన్ కళ్యాణ్ బాబు అంటూ ఫ్యాన్స్ కేకలు వేశారు. ఇక సెట్ లోపల కూడా ఇదే పరిస్థితి నెలకొంది. బాలకృష్ణ వేస్తున్న ప్రశ్నలకు అడ్డుపడుతూ, అభిమానులంతా నినాదాలు చేస్తూ చాలా గందరగోళం సృష్టించారట. దీంతో బౌన్సర్లు అక్కడ ఎక్కువగా అల్లరి చేస్తున్న కొంతమంది ఫ్యాన్స్ ను బయటకి పంపినట్టు తెలుస్తోంది.

Read also: బిందెతో ఫోజులిస్తున్న ఈ చిన్నారి స్టార్ హీరోయిన్.. ఎవరో గుర్తుపట్టారా?