“డోంట్ స్టాప్ డాన్సింగ్.. పూనకాలు లోడింగ్” పాటలో చిరు వేసిన షర్ట్ కి రామ్ చరణ్ కి ఉన్న సంబంధం ఏంటో తెలుసా..?

ప్రస్తుతం మెగాస్టార్ చిరంజీవి వరుస సినిమాలతో బిజీ బిజీగా ఉన్నారు. 2022లో ఆచార్య, గాడ్ ఫాదర్ చిత్రాలతో సందడి చేశారు. ఇక 2023 జనవరి 13న వాల్తేరు వీరయ్యతో ప్రేక్షకుల ముందుకి వస్తున్నాడు మెగాస్టార్. ఈ సినిమాపై ఎన్నో ఆశలు పెట్టుకున్నాడు మెగాస్టార్ చిరంజీవి. డైరెక్టర్ బాబి రూపొందిస్తున్న ఈ చిత్రంపై ఇప్పటికే భారీగా అంచనాలు నెలకొన్నాయి. మాస్ మహారాజా రవితేజ ఈ చిత్రంలో ఓ కీలక పాత్రలో నటించారు. ఈ చిత్రంలో మెగాస్టార్ సరసన శృతిహాసన్ హీరోయిన్ గా నటిస్తోంది. ఇప్పటికే ఈ చిత్రం నుంచి విడుదలైన ఫస్ట్ లుక్ పోస్టర్, టీజర్ సినిమాపై అంచనాలను భారీగా పెంచేశాయి.

Read also: లైఫ్‌లో ఇంపార్టెంట్ వ్యక్తిని కలిశానంటున్న శ్రీజ.. మెగా డాటర్ పోస్ట్ వైరల్

 

ఈ చిత్రంలోని పాటలు జనాలను విపరీతంగా ఆకట్టుకుంటున్నాయి. ఇక తాజాగా ఈ సినిమాలోని “డోంట్ స్టాప్ డాన్సింగ్.. పూనకాలు లోడింగ్” పాటని సంధ్య 70 ఎంఎం లో గ్రాండ్ గా విడుదల చేశారు మేకర్స్. పాటకి తగ్గట్టుగానే మాస్ ప్రేక్షకులకు పూనకాలు తెప్పించింది ఈ సాంగ్. రోల్ రిడా పూనకాలు తెప్పించే లిరిక్స్ అందించడంతోపాటు రామ్ మిర్యాలతో కలిసి ఫుల్ ఎనర్జిటిక్ గా పాడారు. అలాగే చిరంజీవి – రవితేజ తమ డైనమిక్ వాయిస్ తో ” డోంట్ స్టాప్ డాన్సింగ్.. పూనకాలు లోడింగ్” అనడం పూనకాలని రెట్టింపు చేసింది.

అయితే ఈ పాటలో చిరంజీవి వేసిన షర్ట్ గురించి ఇప్పుడు సోషల్ మీడియాలో వార్తలు చక్కర్లు కొడుతున్నాయి. ఈ పాటలో చిరంజీవి ఎరుపు రంగు పూల చొక్కా ధరించి మాస్ స్టెప్పులతో అదరగొట్టారు. అయితే ఆ షర్ట్ తో మెగా పవర్ స్టార్ రామ్ చరణ్ కి కూడా ఓ సంబంధం ఉంది. రామ్ చరణ్ కూడా సేమ్ అలాంటి షర్ట్ ధరించి ఓ యాడ్ లో కనిపించారు. అయితే చిరంజీవి వేసిన షర్ట్ చరణ్ దే అంటూ తెగ ప్రచారం జరుగుతుంది. ఏది ఏమైనా మెగా హీరోలు ఒకేలాంటి డిజైన్ ఉన్న షర్టులో కనిపించడంతో ఫ్యాన్స్ ఆనందంగా ఫీల్ అవుతున్నారు.

Read also: ఆ హీరోతో ప్రేయసిగా చేసి ఇప్పుడు వదినగా నటిస్తున్న హీరోయిన్ ఎవరో తెలుసా..?