’వాల్తేరు వీరయ్య’ మూవీ విలన్ బాబీ సింహా ఎవరో తెలుసా ? ఇతని హిస్టరీ తెలిస్తే మెంటలెక్కిపోతారు

సౌత్ ఇండియా ఫిలిం ఇండస్ట్రీలో గర్వించదగినటువంటి నటులలో బాబి సింహ ఒకరు. మెగాస్టార్ చిరంజీవి హీరోగా నటించిన వాల్తేరు వీరయ్య చిత్రంలో విలన్ గా నటించి, తెలుగు ప్రేక్షకులకు దగ్గరయ్యాడు బాబి సింహ. తమిళంలో తెరకెక్కించిన జిగర్తాండ అనే సినిమాలో అద్భుత నటన కనబరిచినందుకు బాబీ సింహ కి ఉత్తమ సహాయ నటుడిగా నేషనల్ అవార్డుని అందుకున్నాడు. తెలుగులో ఈ సినిమాని ప్రముఖ దర్శకుడు హరీష్ శంకర్, గద్దల కొండ గణేష్ గా రీమేక్ చేశాడు. బాబీ సింహ పోషించిన పాత్రను తెలుగులో వరుణ్ తేజ్ చేశాడు. టాలీవుడ్ లో కూడా ఈ సినిమా సూపర్ హిట్ సాధించింది. జాతీయ అవార్డును దక్కించుకున్న బాబీ సింహ గురించి తెలుసుకోవాల్సిన అవసరం మనకు ఎంతైనా ఉంది. బాబీ సింహ గురించి ఎవరికీ తెలియని కొన్ని ఆసక్తికరమైన విషయాలను ఇప్పుడు మనం తెలుసుకుందాం.

బాబి సింహ పేరుకే తమిళ నటుడు. కానీ ఇతడు ఆంధ్రప్రదేశ్లోని కృష్ణాజిల్లా కి సంబంధించిన వ్యక్తి అని, మెగాస్టార్ చిరంజీవి ఇటీవల జరిగిన వాల్తేరు వీరయ్య ప్రీ రిలీజ్ ఈవెంట్ లో చెబితేగాని తెలియదు. నిజానికి ఇతను హైదరాబాదులోని మౌలాలి ప్రాంతంలో నవంబర్ 09, 1983లో జన్మించాడు. ఇక బాబీ సింహకి చిన్నప్పటినుంచి సినిమాలు అంటే విపరీతమైన ఇష్టం. అందరి మాదిరిగానే సినిమాల్లో అవకాశం సంపాదించడం కోసం చాలా కష్టాలను అనుభవించాడు. అలా ఓ రోజు ఆడిషన్స్ లో ‘కదలిల్ సోదప్పువదు ఎప్పడి’ అనే సినిమాకి ఎంపికయ్యాడు. మొదటి సినిమాతోనే నటుడిగా మంచి గుర్తింపు వచ్చింది.

ఇక ఆ వెంటనే లవ్ ఫెయిల్యూర్, పిజ్జా వంటి సినిమాల్లో నటించే అవకాశం లభించింది. అలా ప్రారంభమైనటువంటి బాబీ సింహా కేరీర్ 2014లో విడుదలైన జిగర్తాండ అనే చిత్రంతో మలుపు తిరిగిందని చెప్పాలి. జాతీయస్థాయిలో మంచి నటుడిగా గుర్తింపు దక్కించుకున్నాడు. ఇక ఈ చిత్రం తర్వాత ఆయన తిరిగి వెనక్కి చూసుకోవాల్సిన అవసరం రాలేదు. ఒక ఏడాదికి దాదాపు పది సినిమాలకు పైగా చేస్తూ సౌత్ ఇండియాలో ఏ క్యారెక్టర్ ఆర్టిస్ట్ లేనంత బిజీగా గడిపేస్తున్నాడు.

Read also: యాక్సిడెంట్ తరువాత డ్రైవర్ తో పంత్ మాట్లాడిన మొదటి మాట ఇదే! వింటే కన్నీళ్లు ఆగవు..