Advertisement
తెలుగు సినిమా ఇండస్ట్రీలో ఎంతోమంది హీరోయిన్లు వస్తున్నారు పోతున్నారు. కొంతమంది స్టార్ హీరోయిన్లు బాగా ఆకట్టుకున్నప్పటికీ చాలా తక్కువ సమయంలోనే సినిమాలకు గుడ్ బై చెప్పేసిన వారు చాలామందే ఉన్నారు. అవకాశాలు లేక ఇండస్ట్రీకి దూరమైన వారు కొంతమంది అయితే.. పెళ్లి చేసుకొని ఇండస్ట్రీకి దూరమయ్యేవారు మరికొందరు. అలా ఒకానొక సమయంలో స్టార్ హీరోయిన్ గా ఒక వెలుగు వెలిగిన ఎంతో మంది హీరోయిన్లను మనం మర్చిపోయాం. అందులో ఒకరు సాక్షి శివానంద్. అప్పట్లో తన అందంతో, వయ్యారంతో కుర్రకారును కట్టిపడేసిన ఈ భామ.. మెగాస్టార్ చిరంజీవి నటించిన మాస్టర్ సినిమాతో తెలుగు పరిశ్రమకు పరిచయం అయింది.
Advertisement
Read also: యాంకర్ అనసూయ నాన్న గారి బ్యాక్ గ్రౌండ్ ఏంటో తెలుసా ? ఆయన ఎవరంటే ?
Advertisement
1977 ఏప్రిల్ 15న ముంబైలో జన్మించిన సాక్షి శివానంద్ 1995లో జనం కుండ్లి సినిమాతో బాలీవుడ్ లోకి మొట్టమొదటిసారి అడుగుపెట్టింది. ఆ తరువాత తెలుగులో సినిమా అవకాశాలు రావడంతో ఇక్కడ మంచి పేరు సంపాదించుకుంది. మాస్టర్ మూవీ తర్వాత అక్కినేని నాగార్జునతో సీతారామరాజు, మహేష్ బాబుతో యువరాజు, బాలకృష్ణతో వంశోద్ధారకుడు, రాజశేఖర్ తో సింహరాశి, మోహన్ బాబుతో యమజాతకుడు ఇలా స్టార్ హీరోలు అందరి సరసన నటించింది. అయితే సింహరాశి సినిమా తరువాత తెలుగులో అవకాశాలు లేక తమిళ్, కన్నడ, హిందీ భాషల్లో సినిమాలు చేసిన సాక్షి శివానంద్.
ఆ తరువాత 2008లో జగపతిబాబు నటించిన హోమం సినిమాలో ఐటమ్ సాంగ్ లో స్టెప్పులేసింది. ఇక తెలుగులో సాక్షి చివరి సినిమా 2017లో శ్రీకాంత్ నటించిన రంగా ది దొంగ. ఈ సినిమా తర్వాత ఈమె ఏ సినిమాలోనూ నటించలేదు. ఆ తర్వాత పెళ్లి చేసుకొని సినిమాలకు పూర్తిగా స్వస్తి చెప్పేసింది. ప్రస్తుతం గృహిణిగా ఉంటున్న ఈ అందాలతార ఇప్పుడు గుర్తుపట్టలేని విధంగా మారిపోయింది. ఈమె ఫోటోలు ప్రస్తుతం సోషల్ మీడియాలో వైరల్ గా మారడంతో మాస్టర్ సినిమాలో ఈ అమ్మడు పెర్ఫార్మన్స్ చూసి మనసు పరేసుకున్న అభిమానులు ఆశ్చర్యపోతున్నారు.
Read also: స్టార్ కమెడియన్ “ఏవీఎస్” అల్లుడు కూడా నటుడే అని తెలుసా ?
