కోహ్లి ఫోన్ కొట్టేసింది వాళ్లేనా?

టీమిండియా రన్ మెషిన్ విరాట్ కోహ్లి చేసిన ట్వీట్ సోషల్ మీడియాను షేక్ చేస్తోంది. అచ్చం జగపతిబాబు నటించిన ఫ్యామిలీ సర్కస్ సినిమా సీన్ ను తలపిస్తోంది. అందులో నా స్టీరింగ్ పోయింది ఎవరికైనా దొరికిందా డైలాగ్ మాదిరి.. నా ఫోన్ పోయింది ఎవరికైనా దొరికిందా? అనేలా ఉన్న కోహ్లి ట్వీట్ కు నెటిజన్లు రకరకాలుగా స్పందిస్తున్నారు.

కోహ్లీ చేసిన ట్వీట్
“అన్‌ బాక్సింగ్‌ కు ముందు మీ ఫోన్ దొంగిలించబడితే, అంతకు మించిన బాధ మరొకటి ఉండదు. ఇంతకు ముందు మీలో ఎవరికైనా ఇలా జరిగిందా?”

కోహ్లి చేసిన ఈ ట్వీట్ పెయిడ్ దని కొందరు అంటున్నారు. ఏదో ఫోన్ కి యాడ్ కోసమే ఇలా పోస్ట్ పెట్టాడని కామెంట్స్ చేస్తున్నారు. అయితే.. బ్రాండ్స్ మెన్షన్ చేయడం కోసం కోహ్లి ట్వీట్ చేయలేదని.. అతని ఫోన్ నిజంగానే పోయినట్లుందని మరికొందరు కామెంట్స్ పెడుతున్నారు.

జొమాటో ఫన్నీ ట్వీట్
కోహ్లి ట్వీట్ పై ఫుడ్ డెలివరీ సంస్థ జొమాటో ఫన్నీ రిప్లై ఇచ్చింది. బాబీ ఫోన్ నుంచి ఐస్ క్రీమ్ ఆర్డర్ చేయాలని సూచించింది. ఈ ట్వీట్ నవ్వులు పూయిస్తోంది. కొందరైతే ఫ్రీగా తమ కంపెనీకి అడ్వైజ్ చేసుకుంటుందని కామెంట్ చేశారు.

కోహ్లి ప్రస్తుతం ఆస్ట్రేలియాతో జరగనున్న టెస్ట్ సిరీస్ కోసం నెట్స్‌ లో ప్రాక్టీస్ చేస్తున్నాడు. 2019 సంవత్సరం నుంచి ఈ ఫార్మాట్‌ లో కోహ్లి ఒక్క సెంచరీ కూడా చేయలేకపోయాడు. ఆస్ట్రేలియాతో టెస్టు క్రికెట్‌ లో అతని ఫామ్‌ ను చూస్తుంటే.. ఈసారి కచ్చితంగా భారీ ఇన్నింగ్స్‌ వస్తుందని అంతా భావిస్తున్నారు.