Advertisement
దర్శక ధీరుడు ఎస్ఎస్ రాజమౌళి దర్శకత్వంలో తెరకెక్కిన భారీ బడ్జెట్ చిత్రం బాహుబలి బాక్సాఫీస్ దగ్గర ఎంత సక్సెస్ సాధించిందో అందరికీ తెలిసిందే. ఈ చిత్రాన్ని రెండు పార్టులుగా తెరకెక్కించారు. తెలుగు సినిమా హిస్టరీ గురించి చెప్పాలంటే బాహుబలి కి ముందు బాహుబలి కి తర్వాత అని చెప్పేంతలా ఈ చిత్రం వసూళ్ల వర్షాన్ని కురిపించింది. ఈ చిత్రానికి అంతర్జాతీయ స్థాయిలో గుర్తింపు లభించింది. తెలుగు సినిమా ఖ్యాతిని దశదిశలు వ్యాపించేలా చేసింది ఈ చిత్రం. ఈ చిత్రంలో బాహుబలి పాత్రలో ప్రభాస్ బల్లాలదేవ పాత్రలో నటించిన రాణా, శివగామి పాత్రలో నటించిన రమ్యకృష్ణ, కట్టప్ప పాత్రకే వన్నె తెచ్చిన సత్యరాజ్.. ఇలా అందరికీ ఈ సినిమా పేరు తెచ్చి పెట్టింది.
Advertisement
Read also: NTR గారికి హీరోయిన్ గా, మానవరాలిగా నటించిన ఏకైక స్టార్ హీరోయిన్ ఎవరో తెలుసా ?
Advertisement
ఈ చిత్రంలో ప్రతి ఫ్రేమ్, ప్రతి సీన్ ఎంతో బాగా డిజైన్ చేశారు. అయితే “బాహుబలి ది బిగినింగ్” లో శివగామి తన చేతిలో ఉన్న చిన్నారిని నీటమునగకుండా పైకి లేపి ముందుకు సాగడం అందరినీ ఆకట్టుకుంది. శివగామి తన చేతిలో ఉన్న చిన్నారిని నీటిలో మునగకుండా పైకి లేపి తుది శ్వాస విడుస్తోంది. ఆ చిన్నారి ఏడుపులు విన్న గిరిజనులు మహిష్మతి రాజ్యానికి చెందిన వారసుడిని రక్షించి ఆలనా పాలనా చూసుకుంటారు. ఈ సినిమా చూసిన ప్రతి ఒక్కరూ ఆ సన్నివేశాన్ని మర్చిపోలేరు.
అప్పట్లో ఆ పసిబిడ్డ పోస్టర్ కూడా బాహుబలి సినిమాపై భారీ అంచనాలను పెంచడానికి దోహదమైంది. అయితే ఈ సినిమాలో మహేంద్ర బాహుబలి చిన్నప్పటి పాత్రలో నటించింది తన్వి అనే అమ్మాయి కావడం గమనార్హం. ఈ అమ్మాయి ఇప్పుడు పెరిగి పెద్దదై స్కూల్ కి వెళుతుండడంతో తన్వితో దిగిన ఫోటోలను కొందరు సోషల్ మీడియాలో షేర్ చేస్తున్నారు.
దీంతో ఆ ఫోటోలు సోషల్ మీడియాలో వైరల్ గా మారుతున్నాయి. ఆ ఫోటోలను చూసిన నేటిజెన్లు తన్వి భవిష్యత్తులో గొప్ప నటి అవుతుంది అంటూ కామెంట్లు చేస్తున్నారు.
Read also: “అత్తారింటికి దారేది” సినిమా లో మన గురూజీ మిస్ అయిన ఈ లాజిక్ గమనించారా ?
