ఈ ముగ్గురు సెలబ్రిటీల విషయంలో ఉన్న కామన్ పాయింట్ ని గమనించారా..? అదేంటంటే..?

సాధారణంగా చాలామందికి భగవంతుడిపై నమ్మకం ఉండదు. ఇక మరికొందరిలో మాత్రం విపరీతమైన భక్తి ఉంటుంది. దేవుడు ఉన్నాడని నమ్మిన ప్రతి ఒక్కరూ ఎక్కడికి వెళ్లినా ఆయన తోడుంటాడని నమ్ముతారు. ఇక ఏదైనా ఒక విషయంలో సమస్యను ఎదుర్కొని చావు అంచుల వరకు వెళ్లి వచ్చినవారు.. ఆ భగవంతుడిపై ఎక్కువ నమ్మకాన్ని కలిగి ఉంటారు. ఇలా సామాన్యులే కాదు.. సినీ సెలబ్రిటీలు కూడా ప్రస్తుతం ఆధ్యాత్మికతలో మునిగిపోతున్నారు. ఓవైపు సినిమాలలో రాణిస్తూనే మరోవైపు సమయం దొరికినప్పుడల్లా ఆధ్యాత్మిక కార్యక్రమాలలో పాల్గొంటూ, ఆలయాలను సందర్శిస్తూ, దేవుడిని కోరుకున్న కోరికలు నెరవేర్చమంటూ మొక్కులు చెల్లించుకుంటున్నారు. ఇప్పటికే స్టార్ హీరోయిన్ సమంత ఆధ్యాత్మికతలో మునిగిపోయింది.

ఈమె ఎక్కడ కనిపించినా కూడా తన చేతిలో ఒక జపమాల పట్టుకుని తిరుగుతుంది. అలా తిరగడానికి ప్రధాన కారణం సమంత విడాకుల తర్వాత చాలా డిప్రెషన్ కి గురైన సందర్భంలో ఆధ్యాత్మికతలో మునిగిపోవడానికి ఆమె సద్గురు దగ్గరికి వెళ్లినప్పుడు.. సద్గురు సమంతకు చెప్పిన వాటిని ఫాలో అవుతూ ఇలా తన మనసు ప్రశాంతంగా ఉండడానికి ధ్యానం చేస్తూ.. చేతిలో జపమాల పట్టుకుని తిరుగుతుందట. ఇక సాయి పల్లవి గురించి ప్రత్యేకంగా చెప్పనక్కర్లేదు. సాయి పల్లవికి ఆధ్యాత్మిక చింతన ఎక్కువ అన్న విషయం తెలిసిందే. ఈమె బయట ఎక్కడ కనిపించినా చేతికి రుద్రాక్ష మాల ధరించి కనబడుతుంది. ఇక తాజాగా వీరిద్దరి బాటలోనే పయనిస్తున్నాడు సుప్రీం హీరో సాయిధరమ్ తేజ్.

యాక్సిడెంట్ అయిన తర్వాత సాయి ధరమ్ తేజ్ నటించిన చిత్రం విరూపాక్ష. ఈ సినిమా త్వరలోనే ప్రేక్షకుల ముందుకు రానుంది. ఈ సినిమా ప్రమోషన్లలో భాగంగా బిజీ బిజీగా గడుపుతున్నారు సాయి ధరమ్ తేజ్. తాజాగా ఈ మూవీ ప్రమోషన్లలో భాగంగా చేతికి రుద్రాక్ష మాలతో కనిపించారు సాయి ధరమ్ తేజ్. ప్రమాదం నుంచి బయటపడిన తరువాత మానసిక ప్రశాంతత కోసం, ధైర్యం కోసం రుద్రాక్ష మాలను ధరించి చెప్పం చేస్తున్నట్లు తెలుస్తోంది. ఈ నేపథ్యంలోనే బయటకు వచ్చిన ప్రతిసారి చేతికి రుద్రాక్ష మాలలు ధరించి కనిపిస్తున్నారు సాయి ధరమ్ తేజ్. ఇలా ఈ సెలబ్రిటీలందరూ రుద్రాక్ష మాలలను ధరించడంతో ఇందుకు సంబంధించిన ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఈ రుద్రాక్ష మాలలు ధరించిన సమంత, సాయి పల్లవి, సాయి ధరమ్ తేజ్ (SSS) ఫోటోలు నెట్టింట వైరల్ గా మారాయి.

Related posts:

About anji