PSLV C-56 రాకెట్ విజయవంతం..కక్ష్యలోకి ఎన్ని ఉపగ్రహాలను ప్రవేశపెట్టిందో తెలుసా ?

ఇటీవలే చంద్రయాన్-3 ని విజయవంతంగా కక్ష్యలోకి ప్రవేశపెట్టిన భారత అంతరిక్ష పరిశోధన సంస్థ.. మరో ప్రయోగాన్ని విజయవంతం చేసింది. మొత్తం నాలుగు దశల్లో ప్రయోగం చేసింది ఇస్రో. ఏపీలోని శ్రీహరికోట వేదికగా సతీష్ ధావన్ అంతరిక్ష ప్రయోగ కేంద్రంలోని మొదటి లాంచ్ ప్యాడ్ నుంచి పీఎస్ఎల్వీ సీ 56 రాకెట్ ను దూసుకెళ్లింది. పీఎస్ఎల్వీ సీ 55 మాదిరిగానే పీఎస్ఎల్వీ సీ56 కూడా మిషన్ కోర్ ఎలోన్ మోడల్ లో కాన్పిగర్ చేసింది ఇస్రో. DS-SAR ఉగగ్రహాన్ని ప్రాథమిక పేలోడ్ గా పీఎస్ఎల్వీ-సీ 56 తీసుకొళ్లింది.

సింగపూర్ డిఫెన్స్ సైన్స్ అండ్ టెక్నాలజీ ఎజెన్సీ, ఎస్టీ ఇంజినీరింగ్ భాగస్వామ్యంతో అభివృద్ధి చేసిన 360 కిలోల DS-SAR ఉపగ్రహాన్ని 5 డిగ్రీల వంపులో 535 కిలోమీటర్ల ఎత్తులో నియర్-ఈక్వటోరియల్ ఆర్బిట్ లోకి ప్రవేశపెట్టింది. బరువు 228.64 టన్నులు కాగా.. 7 ఉపగ్రహాల బరువు 442 కిలోలు. అధునూతన సాంకేతికత కలిగినటువంటి DS-SAR  అన్ని రకాల వాతావరణ పరిస్థితుల్లోనూ పగలు, రాత్రి కవరేజీని అందించే సామర్థ్యంతో పని చేస్తుంది. DS-SAR  శాటిలైట్ తో పాటు మరో 6 ఉపగ్రహాలను నింగిలోకి పంపించింది ఇస్రో. టెక్నాలజీ డెమాన్ స్ట్రేషన్ మైక్రో శాటిలైట్ వెలాక్స్-AM, ఎక్స్ పెరిమెంటర్ శాటిలైట్ ARCADE, 3U నానోశాటిలైట్ స్కూబ్-2,IOT కనెక్టివిటీ నానో శాటిలైట్ నూలయన్, గెలాసియా-2, ORB-12 స్ట్రైడర్ శాటిలైట్లను కూడా రోదసిలోకి పంపింది ఇస్రో.