మార్క్ ఆంటోనీ ట్రైలర్.. మామూలుగా లేదుగా..!

తమిళ హీరో విశాల్ నటించిన తాజా చిత్రం మార్క్ ఆంటోనీ. స్టూడియో ప్రెసెంట్ బ్యానర్ లో ఎస్.వినోద్ కుమార్ నిర్మించిన ఈ మూవీకి అధిక్ రవిచంద్రన్ దర్శకత్వం వహించాడు. ఇదివరకే రిలీజ్ చేసిన ఫస్ట్ లుక్ పోస్టర్ ద్వారా ఇందులో విశాల్ గ్యాంగ్ స్టర్ పాత్రలో నటిస్తున్నాడని తెలిసిందే. తాజాగా ఈ మార్క్ ఆంటోనీ ట్రైలర్ విడుదలైంది. టాలీవుడ్ హల్క్ రానా దగ్గుపాటి విడుదల చేసిన ఈ ట్రైలర్ ప్రస్తుతం సోషల్ మీడియాలో వైరల్ అవుతోంది. 

 

ఈ మూవీ 80స్ బ్యాక్ డ్రాప్ లో తెరకెక్కింది. ఇందులో విశాల్ ద్విపాత్రాభినయం చేస్తున్నట్టు సమాచారం. అదికూడా తండ్రి కొడుకుల పాత్ర కావడం విశేషం. తండ్రి పాత్ర నెగిటివ్ షేడ్స్ ఉండగా.. పలు కారణాల వల్ల తన తండ్రిని చంపుదామనే ఉద్దేశంతో కొడుకు ఉన్నట్టు చూపించారు. ఈ చిత్రంలో ఎస్.జె.సూర్య ప్రత్యేక పాత్రలో నటించారు. తన పాత్ర చాలా ఆసక్తిగా ఉండనున్నట్టు తెలుస్తోంది. సినిమా మొత్తం విశాల్, ఎస్.జె.సూర్య చుట్టే తిరుగుతుందని సమాచారం. 

ఈ చిత్రంలో రీతూవర్మ హీరోయిన్ గా నటించగా.. అభినయ సునిల్, సెల్వ రాఘవన్, కింగ్ స్లీలే, వై.జి. మహేంద్రన్ కీలక పాత్రల్లో  నటించారు. జీ.వీ.ప్రకాశ్ సంగీతం అందించగా.. ట్రైలర్ బ్యాక్ గ్రౌండ్ మ్యూజిక్ చాలా బాగుంది. ఈ మూవీ సెప్టెంబర్ 15న విడుదల చేయనున్నట్టు ప్రకటించారు మేకర్స్. అదేరోజు రామ్ హీరోగా నటించిన స్కంద మూవీ విడుదల కావడం విశేషం. 

మరికొన్ని ముఖ్యమైన వార్తలు : 

చూసుకోవాలి కదా థమన్ భయ్యా..! మరీ ఇంత ఘోరంగా OG లోకి బిజీమ్ కాపీ చేసేస్తావా..?

కల్యాణ్‌ రామ్‌ భార్య బ్యాక్‌గ్రౌండ్‌ గురించి తెలుసా?