దివ్య భారతి బయోపిక్.. ఆ స్టార్ హీరోయిన్ చేస్తోందా ?

హీరోయిన్ దివ్యభారతి అతి చిన్న వయస్సులో తెలుగు సినిమా ఇండస్ట్రీలోకి ఎంట్రీ ఇచ్చి స్టార్ గా ఎదిగిన కథానాయిక. ఆమె ఎంత స్పీడ్ గా ఇండస్ట్రీలో ఎదిగిందో అంతే స్పీడ్ గా ఈ లోకానికి దూరమైంది.  1990లో దివ్యభారతి యూత్ కలల రాకుమారి. ఆమె చేసిన రౌడీ అల్లుడు, ధర్మక్షేత్రం, బొబ్బిలి రాజా, వంటి చిత్రాలు బ్లాక్ బస్టర్ హిట్టు అందుకున్నాయి. అలాంటి దివ్యభారతి ఎలా మరణించిందో ఇప్పటికీ కూడా మిస్టరీగానే మారింది. ఆ విషయాన్ని ఎవరు కూడా బయట చెప్పలేదు.

అయితే దివ్యభారతి తెలుగు సినిమా ఇండస్ట్రీలో మంచి స్టార్డం తెచ్చుకున్న తర్వాత  బాలీవుడ్ లోకి కూడా అరంగేట్రం చేసింది. అక్కడ కూడా పలు సినిమాలు చేసి సూపర్ స్టార్ గా మారింది.  అనుకోకుండా ముంబైలోని ఒక పెద్ద భవనం పైనుంచి కిందపడి అకస్మాత్తుగా మరణించింది. అలాంటి దివ్యభారతి  జీవిత చరిత్రకు సంబంధించి  ఒక సినిమా రానుందని చాలా రోజుల నుంచి వార్తలు వస్తున్నాయి. 

 

ఆ సినిమాకు లైన్ క్లియర్ అయిందట. ఒక ప్రముఖ నిర్మాణ సంస్థ ఈ సినిమాను నిర్మిస్తోందని, ఇందులో టాలీవుడ్ మిల్కీ బ్యూటీ తమన్నా నటించబోతున్నట్టు తెలుస్తోంది. మరి ఇందులో ఎంతవరకు నిజం ఉందో, అబద్ధం ఉందో తెలియదు కానీ  సోషల్ మీడియాలో వార్తలు చక్కర్లు కొడుతున్నాయి.