Salaar Release Date: ఎట్టకేలకు ‘సలార్’ మూవీ వాయిదా పై క్లారిటీ ఇచ్చిన మేకర్స్..!

Salaar Movie Release Date: రెబల్ స్టార్ ప్రభాస్ హీరోగా, ప్రశాంత్ నీల్ దర్శకత్వంలో తెరకెక్కుతున్న మూవీ సలార్. ఈ సినిమా ఇప్పటికే పలుమార్లు వాయిదా పడింది. సెప్టెంబర్ 28న పక్కాగా విడుదల చేస్తామని మూవీ మేకర్స్ ప్రకటించారు. కానీ మరోసారి వాయిదా పడింది. గత కొద్ది రోజుల నుంచి సలార్ మూవీ వాయిదా పడుతుందని సోషల్ మీడియాలో తెగ ప్రచారం జరిగింది.చివరికీ అదే నిజమైంది. సలార్ పై మీరు చూపుతున్న ప్రేమాభిమానులకు మాకు ఎంతో సంతోషంగా ఉంది.

ఈ చిత్రాన్ని సెప్టెంబర్ 28న విడుదల చేయాలనుకున్నాం. కొన్ని అనివార్య కారణా వల్ల వాయిదా వేయక తప్పడం లేదని.. దయచేసి మమ్మల్ని అర్థం చేసుకోండి. మీకు అద్భుతమైన సినిమాను అందివ్వడం కోసమే ఈ నిర్ణయం తీసుకున్నాం. సినిమాను మరింత బాగా తీర్చిదిద్దేందుకు మా టీమ్ అవిశ్రాంతంగా పని చేస్తోంది. సలార్ మూవీకి ఫైనల్ టచ్ ఇస్తున్నాం. కొత్త రిలీజ్ డేట్ అతి త్వరలోనే ప్రకటిస్తామని హోంబలే ఫిలింస్ బ్యానర్ ట్వీట్ చేసింది.  బాహుబలి 2 తరువాత ప్రభాస్ సినీ కెరీర్ ఒక్క సినిమా కూడా మంచి హిట్ సినిమా రాలేదు. 

ప్రభాస్-ప్రశాంత్ నీల్ కాంబోలో తెరకెక్కే సలార్ మూవీ కచ్చితంగా సూపర్ హిట్ అవుతుందని అభిమానులు ఆశలు పెట్టుకున్నారు. కానీ ఈ మూవీ వాయిదా పడుతుండటంతో.. మరోవైపు సలార్ మూవీ కూడా ఫ్లాప్ అవుతుందా అని కొందరూ చర్చించుకోవడం గమనార్హం. త్వరలోనే మూవీ మేకర్స్ విడుదల తేదీని ప్రకటించే అవకాశం కనిపిస్తోంది.

• మరిన్ని తెలుగు వార్తల కోసం ఇక్కడ చదవండి !