చిరంజీవి కారు కొందాం అనుకుంటే ఎన్టీఆర్ వద్దన్నారు.. ఎందుకంటే..?

ఎన్టీఆర్, ఏఎన్నార్ ల గురించి ప్రత్యేకంగా చెప్పాల్సిన అవసరమే లేదు. తెలుగు సినీ ఇండస్ట్రీ అభివృద్ధి చెందడానికి మూల కారకులు వారు. అయితే విశాఖపట్నంలో తాజాగా ఎన్టీఆర్ 28వ వర్థంతి, ఏఎన్నార్ శతజయంతి సందర్భంగా లోక్ నాయక్ ఫౌండేషన్ ఆధ్వర్యంలో సాహిత్య పురస్కారం, జీవన సాఫల్య  పురస్కారాల అవార్డుల నిర్వహించారు. ముఖ్యఅతిథిగా హాజరైన మెగాస్టార్ చిరంజీవి మాట్లాడారు.  ముఖ్యంగా ఎన్టీఆర్, ఏఎన్నార్ ల గురించి గతాన్ని గుర్తుకు చేసుకున్నారు.

ముఖ్యంగా తాను ఒకానొక సమయంలో ఎన్టీఆర్ ని కలిశాను. రండి బ్రదర్ కూర్చొండి అన్నారు. ఆయన ఒక బజ్జీ ఇచ్చారు. ఆ సమయంలో ఆయన ఒక మాట అన్నారు. బ్రదర్ మీరు బాగా అభివృద్ధి లోకి వస్తున్నారు. సంపాదించిన సంపద అంతా ఇనుప ముక్కల మీద పెట్టొద్దు. ఏదైనా మంచి హౌస్ కట్టుకోండి. ఆ తరువాత స్థలం మీద పెట్టండి. మనల్ని కాపాడేది అదే. మనం ఎక్కువ కాలం ఇలాగే ఉండం.. సూపర్ స్టార్ లాగా ఎక్కువ కాలం ఉండకపోవచ్చు. ఎంతో జాగ్రత్తతో ముందస్తు చూపుతో ఆయన ఇచ్చిన సలహా అంతా ఇంతా కాదు. అప్పటి వరకు కారు కొందామా ఎవరో చెప్పినట్టుగా టయోటా తలుపులు పైకి తెరుచుకుంటాయి.. అప్పట్లో అది చాలా ఫ్యాన్సీ.. అలాంటి కార్లు కొనుకుందామని అనుకున్నాను.

ఎన్టీఆర్ మాట విన్న తరువాత తన నిర్ణయాన్ని వెనక్కి తీసుకొని.. అప్పటి నుంచే  అక్కడక్కడ స్థలాలు కొనడం మొదలు పెట్టాను. ఈరోజున నా రెమ్యునరేషన్ కంటే కూడా ఆ స్థలాలే నన్ను.. నా ఫ్యామిలీని కాపాడుతున్నాయి. అలాంటి గొప్ప సలహాలు ఇచ్చినటువంటి మహానుభావులు దూర దృష్టితో రామారావు గారితో తాను చేసిన సినిమా  తిరుగులేని మనిషి. ఈ సినిమాలో ఎన్టీఆర్-చిరంజీవి కలిసి మూడు పీట్ల లోతులో కిందికి దూకే సీన్ ఉందట. అయితే ఆ సీన్ లో ఎన్టీఆర్ కిందికి దూకకుండా అలాగే ఉన్నారు. చిరంజీవి మాత్రం కిందికి దూకేశారట.  అలా చేయకూడదు. ఆర్టిస్ట్ జీవితం చాలా విలువైనది.  అకస్మాత్తుగా ఏదైనా ప్రమాదం సంభవిస్తే.. సినిమాకు  చాలా నష్టం కలుగుతుంది.